Ողջույնի խոսք

Հարգելի´ հայրենակիցներ, ողջունում եմ Ձեզ Ուռուցքաբանության ազգային կենտրոնի (ՈՒԱԿ) պաշտոնական կայքում: ՈՒԱԿ-ը համարվում է ուռուցքաբանության բնագավառում Հայաստանի Հանրապետության առաջատար բազմապրոֆիլ կենտրոն, որտեղ կատարվում է ժամանակակից ուռուցքաբանությանը համապատասխան ախտորոշում և բուժում:

 

Չարորակ նորագոյացությունների մասին խոսելիս, ցավոք, պարտավոր ենք խոստովանել, որ նրանք մահվան հիմանկան պատճառներից են: Ուռուցքաբանությունը համարվում է բժշկության մեջ բարդ բնագավառ, իսկ չարորակ նորագոյացությունները դասվում են շարունակական բուժում պահանջող հիվանդությունների շարքին:

 

Ուռուցքաբանության ազգային կենտրոնի բժիշկները պարբերաբար կատարելագործում են իրենց հմտությունները արտասահմանյան առաջատար կլինիկաներում անցկացվող վերապատրաստումների շնորհիվ, իսկ տեսական գիտելիքներն ընդլայնում են տեղական և միջազգային կոնֆերանսներին, գիտաժողովներին, սեմինար-խորհրդակցություններին իրենց ակտիվ մասնակցությամբ, ինչպես նաև կենտրոնում մեծ տեղ է տրվում միջին բուժանձնակազմի կրթական չափանիշներին և ծրագրերին համապատասխան պատրաստվածությանը:

 

Հիվանդների բուժումն իրականացվում է միջազգային ամենահեղինակավոր կլինիկական ուղեցույցների հիման վրա: ՀՀ Ուռուցքաբանության ազգային կենտրոնն իր որակյալ և արդյունավետ գործունեության համար որդեգրել է «Բարձրորակ մասնագետ, բարեխիղճ վերաբերմունք, արդյունավետ բուժում» սկզբունքը, որով և առաջնորդվում է:


Մենք կարևորում ենք Ձեր առողջությունը,

 

ՆԱՐԵԿ ՄԱՆՈՒԿՅԱՆ

 

 

Լուրեր, հայտարարություններ
Մեկնարկել է Տրաստուզումաբ դեղով կրծքագեղձի քաղցկեղի բուժման ծրագիրը 26.03.2020

Մարտի 25-ից մեկնարկել է «Վաղ փուլի դրական «Her2/Neu» կրծքագեղձի քաղցկեղի տրաստուզումաբ դեղով բուժման ծրագիրը»: Այն կիրականացվի 2020-2023 թվականների ընթացքում: Առողջապահության նախարարի հրամանով...

«Շնորհակալություն քեզ, կորոնավիրուս, որ մեզ ստիպեցիր վերագնահատել մեր կյանքը»․ քաղցկեղով հիվանդի ուղերձը 25.03.2020

Քաղցկեղով հիվանդ տղամարդը նամակ-ուղերձով դիմել է մեզ։ Ստորև ներկայացնում ենք այն։ Ես Գագոն եմ, վաթսունականներին, ավելի կոնկրետ 1961 թվականի մայիսի 6-ին ծնված, ութսունականներին «պոլիտեխնիկ» ավարտած։ Այդ ժամանակ․․․

Թոքի քաղցկեղ․ աշխարհամարտերի ժառանգություն 19.03.2020

Թոքի քաղցկեղի և ծխելու կապը ապացուցել է բրիտանացի բժիշկ սըր Ռիչարդ Դոլը։ Իր շնորհիվ մարդկությունն այսօր վերացնում է երկու համաշխարհային պատերազմի սարսափելի արձագանքը․․․

Հաճախ տրվող հարցեր