Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Հայաստանի 4-րդ միջազգային համագումարի շրջանակում առանձին սեկցիայով հանդես եկան ուռուցքաբանության ոլորտի մասնագետներ Հայաստանից և արտերկրից: Զրուցեցինք Վ.Ֆանարջյանի անվան ուռուցքաբանության ազգային կենտրոնի տնօրեն Արմեն Տանանյանի հետ, ով նաև համանախագահ էր:
– Ի՞նչ տպավորություններ ունեք:
Վ.Ֆանարջյանի անվան ուռուցքաբանության ազգային կենտրոնի տնօրեն Արմեն Տանանյան– Նախ, կարող եմ ասել, որ շատ լավ կազմակերպվածություն կար սկսած հանդիսավոր բացումից վերջացրած ներկայացված զեկույցներից: Տարբեր սեկցիաներ էին աշխատում, կար ոգևորություն, ինչն էլ, անշուշտ, կնպաստի Հայաստանում բժշկական որակի բարձրացմանը: Մեծ նշանակություն ունի փորձի փոխանակումը: Իսկ ամենակարևորն ու հաճելին այն էր, որ համագումարին մասնակցում էին մեծ թվով սփյուռքահայ մեր հայրենակիցները:
– Ո՞րն է եղել Ձեր գիտական հետաքրքրությունների շրջանակը այս համագումարին:
– Երկու հոդված ունեի, որոնք էլ ներկայացրել եմ: Առաջինը վերաբերում էր Հայաստանում քաղցկեղով հիվանդների ընդհանուր վիճակագրությանը: Լինելով նեղ մասնագետ՝ որովայնային վիրաբույժ, ներկայացրել եմ նաև ստամոքսի վիրահատությունների հետ կապված ռեկոնստրուկցիաները:
 |
 |
 |
Հայաստանի 4-րդ միջազգային համագումարի շրջանակում ուռուցքաբանության ոլորտին վերաբերող քննարկումներ Հայաստանի 4-րդ միջազգային համագումարի շրջանակում ուռուցքաբանության ոլորտին վերաբերող քննարկումներ Հայաստանի 4-րդ միջազգային համագումարի շրջանակում ուռուցքաբանության ոլորտին վերաբերող քննարկումներ
– Ի՞նչ ձեռքբերումներ կան ոլորտում:
– Իհարկե՛, ուռուցք ախտորոշումը մարդկանց մոտ առաջացնում է հոգեբանական մեծ խնդիր, միանգամից խուճապի են մատնվում: Սակայն վերջին տարիների նվաճումները և աշխատանքը բերեց նրան, որ մարդիկ քաղցկեղ ախտորոշումից սկսել են չվախենալ: Շատ կարևոր է այն հայտնաբերել առաջին փուլերում և թույլ չտալ նրա զարգացմանը:
 |
 |
 |
