Ուռուցքաբանության ազգային կենտրոնի Ռադիոգինեկոլոգիական բաժանմունքում իրականացվում է օնկոգինեկոլոգիական հիվանդների ճառագայթային բուժում, որտեղ տարեկան բուժվում է 300-350 հիվանդ: Բաժանմունքի ղեկավար, բժշկական գիտությունների դոկտոր, ԵրՊԲՀ դոցենտ Էվելինա Բախշինյանը ներկայացնում է բաժանմունքում բուժսպասարկման մանրամասները:
– Մեր բաժանմունքում բուժվում են կանայք, ովքեր ունեն արգանդի մարմնի, վզիկի և հեշտոցի քաղցկեղ: Բուժումն իրականացվում է ինչպես վիրահատությունից հետո, այնպես էլ` ոչ վիրահատական, բարձիթող փուլերում:
Ճառագայթային բուժումը բավականին երկարատև է և բաղկացած է երկու փուլերից՝ դիստանցիոն և ներխոռոչային գամմա թերապիայից: Շատ դեպքերում զուգահեռ անց է կացվում նաև քիմիաթերապիա:
Ներխոռոչային գամմա թերապիան իրականացվում է նոր Micro Selectron HDR սարքով, որը լիցքավորվում է իրիդիում (Ir192) ռադիոակտիվ նյութով:
Մեր բաժանմունքում աշխատում է առաջատար մասնագետ, բժշկական գիտությունների թեկնածու՝ Ալինա Խանգելդյանը, ով Հայաստանում ճառագայթային գինեկոլոգիայի հիմնադիրներից է, ինչպես նաև բարձր որակավորում ունեցող բժիշկներ, բուժքույրեր, ճառագայթային տեխնիկներ, ովքեր կատարում են ճառագայթային թիրախներում իրենց գործը:
Հայաստանում արգանդի վզիկի քաղցկեղի սկրինինգային ծրագրերի կատարման թերացումները հանգեցնում են այն բանին, որ հիվանդները մեզ են դիմում արդեն իսկ բարձիթող եղած փուլերում: Օրինակ. 2014 թ. վիճակագրական տվյալներով արգանդի վզիկի քաղցկեղով հիվանդների թիվը պակասել է, սակայն ավելացել է առաջնային հիվանդացության հայտնաբերումը արդեն իսկ IV փուլում, ինչը կազմում է արգանդի վզիկի քաղցկեղի ընդանուր հիվանդացության 21 տոկոսը, որը բավականին մտահոգիչ ցուցանիշ է:
Նորություններ
Ռադիոգինեկոլոգիական բաժանմունքը քաղցկեղի բուժման գործում
08.07.2015
Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել
12.07.2023
Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:
Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին
06.07.2023
Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։
ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA)
04.07.2023
Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով: