Նորություններ
Արյուն կղանքի մեջ․ երբ է դա քաղցկեղի նշան
Արյուն կղանքի մեջ․ երբ է դա քաղցկեղի նշան
21.02.2020

Կղանքի մեջ արյունը չի կարելի նորմալ վիճակ համարել, բայց դրա հետևում կարող են թաքնված լինել ինչպես ոչ վտանգավոր խանգարումներ, այնպես էլ լուրջ հիվանդություններ, օրինակ՝ հաստ աղու քաղցկեղ։ Կղանքում արյան առկայության դեպքում անպայման պետք է բժշկի դիմել։

 

Այս խնդիրը հաճախ հայտնաբերվում է զուգարանի թղթի վրա մուգ կամ բաց կարմիր արյան բծերի շնորհիվ։ Այդպիսի բան կյանքում գոնե մեկ անգամ պատահում է մարդկանց ճնշող մեծամասնության մոտ։ Հետանցքը շատ զգայուն մաշկ ունի, որը կարող է հեշտությամբ վնասվել․ ճաքեր կարող են առաջանալ անգամ հենց նույն զուգարանի թղթի հետ շփման պատճառով։ 

 

Բացի այդ, կղանքի մեջ արյան շատ դեպքեր կապված են թութքի հետ։ Կղանքի մեջ արյան պատճառով բժշկի դիմած մարդկանց ճնշող մեծամասնությունը ունենում է թութք կամ հետանցքի ճաքեր։

 

Բայց կան նաև կղանքի մեջ արյան առկայության այլ պատճառներ, և դա կարող են լինել լուրջ հիվանդություններ, կամ վնասվածքներ, որոնք միանգամից չեն ախտորոշվում։ Աղեստամոքսային տրակտում արյան աղբյուրը միշտ չէ հեշտությամբ հայտնաբերվում։

 

Արյուն կղանքի մեջ․ ինչի՞ մասին է դա վկայում

 

Եթե արյունը գալիս է ստորին մարսողական տրակտից (հաստ կամ ուղիղ աղիքից), հնարավոր են հետևյալ պատճառները․

 

•    Թութք;
•    Դիվերտիկուլոզ՝ աղիքի պատի պարկանման արտափքումներ, որոնք հաճախակի են հանդիպում տարեց հասակում;
•    Պոլիպներ, հաստ աղու բարորակ գոյացություններ, որոնք կարող են քաղցկեղային ուռուցքների նախակարապետները լինել;
•    Անգիոդիսպլազիա՝ անոթների զարգացման ախտաբանական արատներ;
•    Աղիների քրոնիկ բորբոքային հիվանդություններ, ինչպիսին են խոցային կոլիտը և Կրոնի հիվանդությունը;
•    Հաստ աղու քաղցկեղ։

 

Եթե արնահոսության աղբյուրը բարակ աղում է տեղակայված, դա կարող է հետևյալ հիվանդությունների ախտանշան լինել․

 

•    Ուռուցքներ (հազվադեպ);
•    Անգիոդիսպլազիա;
•    Դիվերտիկուլոզ;
•    Կրոնի հիվանդություն։

 

Եթե արյունը կղանքի մեջ է անցնում մարսողական տրակտի վերին հատվածից, ապա դա կարող է հետևալ խանգարումների ազդանշանը լինել․

 

•    Ստամոքսի կամ բարակ աղու վերին հատվածի խոց (Helicobacter pylori վարակով կամ դեղերով, մասնավորապես ասպիրինով և իբուպրոֆենով պայմանավորված);
•    Ստամոքսի բորբոքում՝ գաստրիտ;
•    Կերակրափողի երակների վարիկոզ լայնացում;
•    Կերակրափողի բորբոքում (էզոֆագիտ);
•    Ուռուցքային գոյացություններ;
•    Կերակրափողի կամ ստամոքսի քաղցկեղ։

 

Ի՞նչ է վկայում արյան գույնը

 

Ստորին աղիքային տրակտի վնասվածքների պատճառով առաջացած արյունը սովորաբար լինում է բաց կարմիր։ Աղեստամոքսային տրակտով երկար ճանապարհ անցած արյունը մուգ գույն կունենա։

 

Որոշ դեպքերում արյունը աչքով չի երեևում, թեպետ և կա կղանքի մեջ։ Այս դեպքերում բժիշկները խոսում են թաքնված արյան մասին, որը համարվում է հաստ աղու քաղցկեղի ախտանշաններից մեկը։

 

Ի՞նչ է նշանակում բաց, մուգ և անտեսանելի արյունը

 

Թաքնված արյունը կղանքում։ Այն կարելի է հայտնաբերել միայն հատուկ անալիզի միջոցով, որը խորհուրդ է տվում 50 տարին լրանալուց հետո կատարել տարեկան մեկ անգամ։ Միևնույն ժամանակ այդ անալիզը չի կարելի շատ ճշգրիտ ախտորոշման մեթոդ համարել․ այն հայտնաբերում է աղու պոլիպների արյունը, իսկ պոլիպները անընդհատ չեն արնահոսում։


Կղանքում լավ նկատելի արյունը։ Այդ արյունը սովորաբար թարմ է (բաց կարմիր գույնի) և առաջանում է ստորին մարսողական տրակտի վնասման հետևանքով։

 

Մուգ խեժանման կղանք։ Ուժեղ, անդուր հոտով ձյութանման կղանքը կարող է ազդանշել մարսողական տրակտի վերին հատվածներում արնահոսության մասին։ Այդպիսի կղանքը նշանն է այն բանի, որ արնահոսությունը առնվազն մի քանի ժամ առաջ է սկսվել։

 

Կղանքում նկատված արյունը միշտ լուրջ առիթ է բժշկին այցելելու համար։ Համարվում է, որ աղիքի ստորին հատվածից եկող ալ կարմիր արյունը կապված չէ քաղցկեղի հետ, սակայն, ըստ էության, այդ հիվանդության ախտանիշ կարող է լինել կղանքի մեջ արյան ցանկացած հետք։

 

Բժշկի մոտ ստուգվելը առավել քան նպատակահարմար է, եթե արնահոսությունից բացի նկատվում է ցավ որովայնում, լուծ կամ փորկապություն, թուլություն, քաշի նվազում։

 

Լուրեր, հայտարարություններ
Հայտարարություն 03.04.2020

Կորոնավիրուսի դեմ պայքարով պայմանավորված, ՀՀ առողջապահության նախարար Արսեն Թորոսյանի հրամանով, Այրվածքաբանության ազգային կենտրոնի այրվածքային բաժանմունքը ․․․

Բժիշկները ուռուցքով հիվանդներին կորոնավիրուսի վարակումից պաշտպանվելու խորհուրդներ են տվել 03.04.2020

Արտերկրի բժիշկներն ուռուցքով հիվանդներին կորոնավիրուսից պաշտպանվելու խորհուրդներ են տվել, քանի որ մարդկանց այս խումբը, COVID-19-ի առումով, գտնվում է բնակչության խոցելի խմբում...

Գիտնականները բացահայտել են քաղցկեղի մետաստազավորմանը նպաստող մեխանիզմը 02.04.2020

Ուռուցքային բջիջները, որոնք տարբերվում են հիմնական բջիջներից, այլ օրգաններ ընկնելու և մետաստազներ տարածելու համար պետք է ստեղծեն «մետաստատիկ խորշ»...

Հաճախ տրվող հարցեր