Օնկոուրոլոգիական բաժանմունք

Օնկոուրոլոգիական բաժանմունք

 

ՈՒԱԿ․ Օնկոուրոլոգիական բաժանմունք

 

Ուրոլոգիական բաժանմունքը գործում է ՈւԱԿ հիմնադրումից ի վեր:

 

Բաժանմունքը ծավալված է 35 մահճակալներով: Ուրոլոգիական բաժանումնքը ունի 13 աշխատակից, որոնցից 5 բժիշկ և 7 քույրեր: Մասնագետները տիրապետում են բոլոր անհրաժեշտ ունակություններին, ինչը թույլ է տալիս կատարել  մասնագիտացված բարձրակարգ վիրահատական բուժում միզասեռական օրգանների հիվանդությունների դեպքում:

 

Ուրոլոգիական բաժանմունքի բժիշկները համարվում են Եվրոպական և Հայկական Ուրոլոգիական Ասոցացիայի լիիրավ անդամներ, մասնակցում են վերջիններիս տարեկան գիտաժողովներին, ցուցաբերում են ակտիվ մասնակցություն: Բաժանմունքում իրականացվում են նաև փորձի փոխանակման բազմաթիվ ծրագրեր: Վերջին 10 տարիներին հրապարակվել են ավելի քան 50 գիտական աշխատանքներ, պաշտպանվել են 5 թեկնածուական թեզեր:  Բաժանմունքը նաև հանդիսանում է Երևանի Պետական Բժշկական Համալսարանի ուրոլոգիայի և օնկոլոգիայի ամբիոնների կլինիկական բազա:

 

Տարեկան բաժանումնքում բուժօգնություն են ստանում ավելի քան 450 հիվանդներ: Բոլոր հիվանդներին ցուցաբերվում է անհատական մոտեցում, բուժումն ապահովում է կյանքի բարձր որակ:

ՈՒԱԿ․ Օնկոուրոլոգիական բաժանմունք
 


Ուրոլոգիական բաժանմունքը հագեցված է համաշխարհային ստանդարտներին համապաստխանող բոլոր սարքավորումներով. 

 
  Լապարասկոպիկ և բաց վիրահատական սարքավորումներ
  Էնդոսկոպիկ սարքավորումներ (ինչպես մոնոպոլյար այնպես էլ բիպոլյար սարքավորումներ)
  Նորագույն սերունդի Հարմոնիկ ուլտրաձայնային դանակ
  Ֆլյուորեսցենտային ֆոտոդինամիկ սարքավորում, որը հնարավորություն է տալիս վաղ փուլում ախտորոշել միզապարկի քաղցկեղը

 

Շնորհիվ ախտորոշիչ սարքավորումների, բաժանմունքում հնարավոր է տարբեր տեղակայման ուռուցքների և նորագոյացությունների  հայտնաբերման նպատակով իրականացնել հետևյալ գործիքային ախտորոշիչ հետազոտությունները.


  ուլտրաձայնային հետազոտութուն , 
  դոպլերոգրաֆիա ,
  ինվազիվ  ախտորոշիչ հետազոտություններ ,
  էնդոսկոպիկ հետազոտություններ,
  տրանսաբդոմինալ, տրանսռեկտալ և էնդոսկոպիկ բիոպսիա :

 

Միզապարկի քաղցկեղի դեպքում  հաճախ պահանջվում է կոմբինացված բուժում, ինչը կարելի է հնարավորինս արդյունավետ  իրականացնել միայն բազմապրոֆիլ մասնագիտացված կենտրոնում:

 

Միզապարկի մակերեսային քաղցկեղի  դեպքում իրականացվում  են հետևյալ բուժումները.


1.    Միզապարկի մոնոպոլյար տրանսուրետրալ մասնահատում
2.    Միզապարկի բիպոլյար տրանսուրետրալ մասնահատում
3.    Միզապարկի տրանսուրետրալ մասնահատում՝ ֆլուորեսցենտային ֆոտոդինամիկ հսկողությամբ
4.    Ներմիզապարկային քիմիաթերապիա,  իմունոթերապիա (BCG)


Միզապարկի ինվազիվ քաղցկեղի դեպքում իրականացվում են հետևյալ բուժումները.


1.    Արմատական ցիստպրոստատէկտոմիա՝ աղիքից նոր միզապարկի ձևավորումով (ինչը թույլ է տալիս պահպանել  ինքնուրույն միզարձակությունը՝ ապահովելով կյանքի բարձր որակ)
2.    Արմատական ցիստպրոստատէկտոմիա՝ մեզի ոչ բնական արտահոսքով


Միզապարկի մետաստաթիկ քաղցկեղի դեպքում իրականացվում են հետևյալ բուժումները.


1.    Քիմիաթերապիա
2.    Պալիատիվ ճառագայթային բուժում:


Շագանակագեղձի քաղցկեղ ախտորոշումով կլինիկա են ընդունվում բազմաթիվ հիվանդներ, որոնք ստանում են.


1.    վիրահատական բուժում (արմատական պրոստատէկտոմիա),
2.    դիստանցիոն ճառագայթային բուժում,
3.    հորմոնալ թերապիա,
4.    քիմիաթերապիա:

 

Օնկոուրոլոգիա   Օնկոուրոլոգիա   Օնկոուրոլոգիա

 

Երիկամի քաղցկեղի դեպքում իրականացվում են հետևյալ բուժումները.


1.    Երիկամի մասնահատում՝ լապարասկոպիկ և բաց եղանակներով
2.    Նեֆրէկտոմիա՝ լապարասկոպիկ և բաց եղանակներով
3.    Նեֆրէկտոմիա՝ հետորովայնամզային  լիմֆադենէկտոմիայով
4.    Նեֆրէկտոմիա՝ ստորին սիներակի թրոմբի հեռացումով
5.    Նեֆրէկտոմիա՝  հարակից օրգանների կոմբինացված մասնահատումով
6.    Պալիատիվ նեֆրէկտոմիա
7.    Թիրախային և պալիատիվ թերապիա


ՈՒԱԿ-ը մեծ փորձ ունի ամորձու և առնանդամի ուռուցքների բուժման գործում: 


Ամորձու քաղցկեղի  դեպքում իրականացվում  են հետևյալ բուժումները.


1.    Օրխոֆունիկուլէկտոմիա՝ ադյուվանտ պոլիքիմիաթերապիայով
2.    Հետորովայնամզային լիմֆադենէկտոմիա
3.    Քիմիաթերապիա և ճառագայթաբուժում

Առնանդամի քաղցկեղի  դեպքում իրականացվում են հետևյալ բուժումները.


1.    Առնանդամի ամպուտացիա
2.    Առնանդամի էկստիրպացիա
3.    Էմասկուլացիա
4.    Երկկողմանի աճուկազդրային լիմֆադենէկտոմիա՝ ըստ Դյուկենի

 

Գնացուցակ
Մեր մասնագետները
Լուրեր, հայտարարություններ
Քաղցկեղը հաղթահարած հայտնի մարդիկ․ Մայքլ Դուգլաս 22.02.2020

Դերասանը, ով այժմ 75 տարեկան է, 65 տարեկանում բախվեց վտանգավոր ուռուցքային հիվանդության հետ: Դուգլասը պայքարում էր հիվանդության դեմ հասարակությունից գաղտնի՝ լեզուն և ծնոտը կորցնելու բարձր վտանգի պատճառով: Նա ստիպված էր․․․

Արյուն կղանքի մեջ․ երբ է դա քաղցկեղի նշան 21.02.2020

Կղանքի մեջ արյունը չի կարելի նորմալ վիճակ համարել, բայց դրա հետևում կարող են թաքնված լինել ինչպես ոչ վտանգավոր խանգարումներ, այնպես էլ լուրջ հիվանդություններ, օրինակ՝ հաստ աղու քաղցկեղ։ Կղանքում արյան առկայության դեպքում անպայման պետք է․․․

ՈՒԱԿ-ը կոչ է անում սեզոնային վիրուսներից առաջացած բարդությունների դեպքում չզբաղվել ինքնաբուժմամբ և դիմել մասնագետի 19.02.2020

Հայաստանում շարունակվում է սուր շնչառական վարակների և գրիպի սեզոնը։ Ընթացիկ սեզոնում Հայաստանում, համաձայն լաբորատոր հետազոտությունների, շրջանառվում են գրիպի Ա H1N1 ենթատեսակի...

Հաճախ տրվող հարցեր