Պատմությունը
               
     

 

     

 

Հայաստանի առողջապահության նախարարության Վ.Ա. Ֆանարջյանի անվան Ուռուցքաբանության Ազգային Կենտրոնի պատմությունը սկիզբ է առնում 1946 թվականից, երբ Երևանում բացվեց 80 մահճակալանոց Ռենտգենաբանության և Ռադիոլոգիայի ինստիտուտը։

 

1977թ. ինստիտուտը կոչվեց հիմնադիր՝ ակադեմիկոս Բարդուղիմեոս Արտեմի ֆանարջյանի անվամբ։

 

1981թ. ինստիտուտը տեղափոխվեց նորակառույց 9 հարկանի 500 մահճակալանոց շենքերի համալիր, որտեղ գործում էին 15 վիրաբուժական, քիմիաթերապևտիկ, ռադիոթերապևտիկ և 10 ախտորոշիչ բաժանմունքներ, պոլիկլինիկա, զանազան օժանդակ ծառայություններ։

 

1985թ. ինստիտուտը վերանվանվեց Ուռուցքաբանության Գիտական Կենտրոն, իսկ 2004 թվականից` հանրապետական հակաուռուցքային դիսպանսերի հետ միաձուլվելուց հետո, կոչվում է Վ.Ա. Ֆանարջյանի անվան Ուռուցքաբանության Ազգային Կենտրոն (ՈւԱԿ)։

 

Այսօր ՈւԱԿ-ը բոլոր տիպի և տեղակայման նորագոյացությունների բուժման առաջատար բազմապրոֆիլային կենտրոն է, և սպասարկում է հանրապետության ամբողջ բնակչությանը։

 

Յոթանասունամյա պատմություն ունեցող կենտրոնը վերջին տարիներին զգալիորեն արդիականացվել է․ ներդրվել են քաղցկեղային հիվանդությունների ախտորոշման և բուժման առաջատար եղանակներ՝ ժամանակակից տեխնոլոգիաների կիրառմամբ։

 

ՈւԱԿ-ում տարեկան բուժում են ստանում 12000 պացիենտ, կատարվում է մոտ 4000 վիրահատություն, 5000 քիմիաթերապիայի և մոտ 2000 ճառագայթային թերապիայի կուրս։ Դիսպանսեր հսկողության տակ է գտնվում մոտ 30000 մարդ։

 

     
       
 

 

Լուրեր, հայտարարություններ
Մեկնարկել է Տրաստուզումաբ դեղով կրծքագեղձի քաղցկեղի բուժման ծրագիրը 26.03.2020

Մարտի 25-ից մեկնարկել է «Վաղ փուլի դրական «Her2/Neu» կրծքագեղձի քաղցկեղի տրաստուզումաբ դեղով բուժման ծրագիրը»: Այն կիրականացվի 2020-2023 թվականների ընթացքում: Առողջապահության նախարարի հրամանով...

«Շնորհակալություն քեզ, կորոնավիրուս, որ մեզ ստիպեցիր վերագնահատել մեր կյանքը»․ քաղցկեղով հիվանդի ուղերձը 25.03.2020

Քաղցկեղով հիվանդ տղամարդը նամակ-ուղերձով դիմել է մեզ։ Ստորև ներկայացնում ենք այն։ Ես Գագոն եմ, վաթսունականներին, ավելի կոնկրետ 1961 թվականի մայիսի 6-ին ծնված, ութսունականներին «պոլիտեխնիկ» ավարտած։ Այդ ժամանակ․․․

Թոքի քաղցկեղ․ աշխարհամարտերի ժառանգություն 19.03.2020

Թոքի քաղցկեղի և ծխելու կապը ապացուցել է բրիտանացի բժիշկ սըր Ռիչարդ Դոլը։ Իր շնորհիվ մարդկությունն այսօր վերացնում է երկու համաշխարհային պատերազմի սարսափելի արձագանքը․․․

Հաճախ տրվող հարցեր