Պացիենտների համարԲուժում
Այսուհետ Ուռուցքաբանության ազգային կենտրոնի քիմիաթերապիա ստացող հիվանդները կարող են խուսափել մազաթափությունից
Այսուհետ Ուռուցքաբանության ազգային կենտրոնի քիմիաթերապիա ստացող հիվանդները կարող են խուսափել մազաթափությունից
29.06.2020

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի Ընդհանուր և մանկական քիմիաթերապիայի բաժանմունքում տեղադրվել է նոր սարք, որը հնարավորություն է տալիս խուսափել մազաթափությունից կամ նվազեցնել այն քիմիաթերապիայի ժամանակ։

 

Հայտնի է, որ քիմիաթերապիայի կողմնակի ազդեցություններից մեկը մազերի կորուստն է, ինչը պացիենտները, հատկապես կանայք, շատ ծանր են տանում։ 

 

«Գլխամաշկի սառեցման միջոցով մազերի կորստի կրճատումը կամ մազաթափության կանխումը պացիենտի մոտ ինքնավստահության զգացողություն և բուժման հանդեպ դրական վերաբերմունք է առաջացնում, ինչը քաղցկեղային հիվանդությունների դեմ պայքարում առավելություն է համարվում», - ասաց Ընդհանուր և մանկական քիմիաթերապիայի բաժանմունքի վարիչ Նաիրա Ջանոյանը։

 

Paxman ընկերության սարքը կիրառում է հիպոթերմիայի մեթոդը՝ գլխի մաշկի խորը սառեցում, որը հանգեցնում է անոթների նեղացման և դեպի գլխամաշկ արյան հոսքի կրճատման։ Դա բերում է նրան, որ քիմիաթերապևտիկ դեղերը քիչ քանակով են հասնում մազարմատներին և քիչ են վնասում դրանք։

 

Սարքը ներառում է մի քանի տարբեր չափերի սաղավարտներ, որոնք ադապտացվում են պացիենտի գլխի կառուցվածքին և չափին։ Այն ունի վահանակ, որի միջոցով կառավարվում է սառեցման ջերմաստիճանը և ժամանակը։

 

Paxman ընկերության հետազոտությունները վկայում են, որ սառեցնող սաղավարտի որպես մազաթափության դեմ միջոցի արդյունավետությունը 50-90 տոկոս է տարբեր դեղամիջոցների օգտագործման դեպքում։


  

 

Լուրեր, հայտարարություններ
Աեպտեմբերի 21-ին ֆրանսիացի վիրաբույժը վիրահատություններ կկատարի Ուռուցքաբանույան ազգային կենտրոնում 15.09.2021

Բժիշկները պլանավորում են Հայաստանում ներկայացնել իրենց փորձը․ նրանք կկատարեն վիրահատություններ, հանդես կգան դասախոսություններով և կկազմակերպեն քննարկումներ հայ գործընկերների հետ։

Լեղապարկի լապարասկոպիկ հեռացում 14.09.2021

Վիրահատությունը կատարվում է վերջին սերնդի KARL STORZ էնդոսկոպիկ համակարգով, ինչի շնորհիվ ապահովվում է հետվիրահատական ավելի թեթև ընթացք և արագ ապաքինում։

Շարժունակությունը վերականգնող վիրահատություններ Ուռուցքաբանության ազգային կենտրոնում 07.09.2021

Ուռուցքաբանության ազգային կենտրոնում առաջային հետորովայնամզային մուտքով կատարվել է գոտկային 3, 4, 5-րդ ողերի լայնածավալ ռեզեկցիա, բոլոր վարակված հյուսվածքների դեբրիդմենտ (մաքրում), առաջացած դեֆեկտը լրացնելու համար օգտագործվել է տիտանային ցանցի օղ և կոնքոսկրից վերցված սեփական ոսկոր՝ աուտոգրաֆտ։

Հաճախ տրվող հարցեր