Նորություններ
Քաղցկեղը կանխելը հեշտ է
Քաղցկեղը կանխելը հեշտ է
29.07.2019

Մենք շատ բաներ ենք հիշում, ինչպիսիք են պատմական ամսաթվերը, դերասանների անունները և երգերի տեքստերը։ Գիտենք մեր սիրած մարդկանց սովորությունները, որքան կալորիա է պարունակում մի կտոր տորթը և այլն։ Կարող ենք հինգ տարեկան երեխային բացատրել, թե ինչպես է առաջանում անձրևը և ինչու է հայտնվում ծիածանը։ Սակայն արդյո՞ք մենք գիտենք մեր մարմինը։ Եվ արդյո՞ք մենք միշտ արձագանքում ենք նրա SOS ազդանշանին։


Ուրիշների պահանջները հիշելով և անհանգստանալով՝ չպետք է մոռանանք սեփական անձի մասին։ Պետք է լիարժեք սնվել, զբաղվել սպորտով, հանգստանալ և ուրախանալ կյանքով։ Սակայն նաև շատ կարևոր է կանոնավոր սքրինինգային հետազոտություններ անցնելը, որոնք կարող են հաստատել, որ առողջությանը ոչինչ չի սպառնում։ Մեր երկրում տարածված ամենալուրջ հիվանդություններից մեկը աղիների քաղցկեղն է։ Այն հաճախ ախտորոշվում է երրորդ կամ չորրորդ փուլում։ Եվ դրա համար կա մի քանի պատճառ։ Սկզբում (ինչպես շատ այլ ուռուցքային հիվանդությունների դեպքում) աղիների քաղցկեղը զարգանում է անախտանիշ, հիվանդին բացարձակ ոչինչ չի անհանգստացնում։ Ուռուցքը շարունակում է աճել, սակայն առաջացած ախտանիշները հիվանդն անտեսում է, ապրում է սովորական կյանքով՝ իր պլաններով և ժամկետներով, հաբեր է խմում՝ ժամանակավորապես մոռանալով խնդրի մասին։ Իսկ շատերն ուղղակի վախենում են դիմել բժշկի և ամաչում են իրենց խնդիրների մասին պատմել նույնիսկ հարազատներին։


Գիտնականները տագնապում են. յուրաքանչյուր տարի աղիների քաղցկեղը  «երիտասարդանում» է։ Հիվանդությունն սկսել է ավելի հաճախ ախտորոշվել 20, 30, 40  տարեկանում։ Եվ սա տխուր փաստ է, չէ՞ որ այս ախտորոշման համար գոյություն ունի ռեալ կանխարգելում։ Հիվանդության պատճառը հիմնականում պոլիպներն են, որոնք դանդաղ են զարգանում, սակայն, ժամանակի ընթացքում, բարորակ գոյացության տեղում կարող է առաջանալ չարորակ ուռուցք։ Եթե ժամանակին պոլիպը հեռացվի, ապա քաղցկեղի առաջացման հավանականությունը կձգտի զրոյի։


Պետք չէ խուսափել կոլոնոսկոպիայից, որի ժամանակ բժիշկը մանրամասն զննում է աղիների լորձաթաղանթը: Այդ հետազոտությունն իրականացվում է բացարձակապես անցավ։ Հանգիստ մթնոլորտ, դեղորայքային քուն, ճշգրիտ արդյունքներ, պետք է միայն գրանցվել հետազոտության համար և հոգ տանել սեփական անձի մասին։


Ուշադիր եղեք սեփական ինքնազգացողությանը, լսեք՝ ինչ է ասում Ձեր մարմինը։ Մի՛ արհամարհեք այնպիսի ախտանիշները, ինչպիսիք են նիհարելը, կղանքի փոփոխությունը, արյան հայտնվելը կղանքում։ Օրգանիզմը շնորհակալ կլինի, եթե Դուք կոլոնոսկոպիա անցնեք, որի ընթացքում, անհրաժեշտության դեպքում, բժիշկը կարող է հեռացնել պոլիպները։ Հիշե՛ք, որ վաղ շրջանում հայտնաբերված ուռուցքների մեծ մասը լիովին բուժվում է։ Եվ իմացե՛ք, որ աղիների քաղցկեղը կարելի է կանխել։

Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր