Նորություններ
Քաղցկեղը վերապրած կանայք անպայման պետք է մարզվեն․ հետազոտություն
Քաղցկեղը վերապրած կանայք անպայման պետք է մարզվեն․ հետազոտություն
13.01.2020

Ամենօրյա ֆիզիկական վարժությունները նվազեցնում են քաղցկեղը վերապրած կանանց մոտ վաղաժամ մահվան վտանգը, պարզել են գերմանացի գիտնականները` Հայդելբերգի Քաղցկեղի ուսումնասիրման կենտրոնից։ Հետազոտությունը տպագրվել է Breast Cancer Research պարբերականում, գրում է The Telegraph-ը:


Հետազոտությանը մասնակցել է 50-74 տարեկան 2000 կին։ Բոլորի մոտ առնվազն վեց տարի առաջ կրծքագեղձի քաղցկեղ է հայտնաբերվել, և նրանք լիովին ապաքինվել են։


12 տարվա ընթացքում մասնագետները հետևել են, թե ինչպես է փոխվում կանանց առողջական վիճակը՝ նրանց շարժողական ակտիվությունից կախված։ Արդյունքները փաստել են, որ ֆիզիկական վարժություններին ավելի շատ ժամանակ տրամադրող կանանց մոտ վաղաժամ մահվան վտանգը զգալիորեն ավելի ցածր էր, քան սակավաշարժ կենսակերպ վարողների մոտ։


Գիտնականները պարզել են, որ շաբաթական 2,5 ժամ մարզվող կանանց շրջանում մահվան դեպքերը երկու անգամ նվազել են։ Բացի այդ, եթե կանայք ակտիվ կենսակերպ էին վարում մինչև քաղցկեղ ախտորոշելը, ապա այդ կենսակերպի պահպանումը նվազեցնում էր վաղաժամ մահվան հավանականությունը 30 տոկոսով։

Լուրեր, հայտարարություններ
«ՍԹԻՎ ՋՈԲՍԸ ԵԿԱՎ ՇԱՏ ՈՒՇ»․ ԱՄԵՐԻԿԱՑԻ ԲԺԻՇԿԸ՝ APPLE-Ի ՀԻՄՆԱԴՐԻ, ՔԱՂՑԿԵՂԻ ԵՎ ԱՌՈՂՋՈՒԹՅԱՆ ՊԱՀՊԱՆՄԱՆ ՄԱՍԻՆ 03.06.2020

Ըստ Դևիդ Ագուսի, «քաղցկեղը բայ է, ոչ թե գոյական»։ «Դա մի բան է, որը մարմինն անում է, դա պրոցես է։ Մարմինը ոչ թե ստանում է քաղցկեղ, այլ արտադրում է այն»։

«Դա կարող էր վերջ տալ իմ կյանքին»․ 20-ամյա ֆուտբոլիստը պատմել է քաղցկեղի դեմ պայքարի մասին 30.05.2020

«Մանչեսթեր Յունայթեդ» ֆուտբոլային ակումբը հայտնել է պաշտպան Մաքս Թեյլորի հետ պայմանագիրը երկարաձգելու մասին։ Ֆուտբոլիստը ակումբի համակարգում է 14 տարեկանից, բայց դեռ ոչ մի անգամ չի խաղացել...

Մեզի մուգ գույնը կարող է վկայել ենթաստամոքսային գեղձի քաղցկեղի մասին 29.05.2020

Վաղ փուլերում ենթաստամոքսային գեղձի քաղցկեղը սովորաբար իրեն զգացնել չի տալիս: Սակայն, ինչպես քաղցկեղի այլ տեսակների, այնպես էլ այս քաղցկեղի ժամանակին ախտորոշումն անչափ կարևոր է բուժման...

Հաճախ տրվող հարցեր