Նորություններ
Իմունիտետն ու քաղցկեղը․ նոր հետազոտություն
Իմունիտետն ու քաղցկեղը․ նոր հետազոտություն
25.01.2020

Քարդիֆի համալսարանի գիտնականների հայտնագործությունը թույլ կտա բժիշկներին այնպես կարգավորել մարդու իմունային համակարգը, որպեսզի այն պայքարի քաղցկեղային բջիջների դեմ։ Դա կարող է ճանապարհ հարթել դեպի քաղցկեղի դեմ համադարման դեղամիջոցը։

 

Մեթոդն առայժմ կլինիկական փորձարկում չի անցել, սակայն հետազոտողներն ասում են, որ այն հսկայական պոտենցիալ ունի։ Հետազոտության արդյունքների մասին հոդվածը հրապարակվել է Nature Immunology ամսագրում։

 

Հետազոտության նպատակը իմունային համակարգի՝ քաղցկեղի դեմ պայքարի «անսովոր» եղանակների փնտրտուքն էր։ 

 

Գիտնականները հայտնաբերեցին իմունային ռեակցիայի համար պատասխանատու բջջի՝ Т-լիմֆոցիտի հատուկ տեսակ։ Այդ բջիջը կարող է դիմակայել տարբեր տիպի վտանգներին։

 

«Շանս կա, որ դա կարող է բուժել բոլոր պացիենտներին։ Առաջ ոչ ոք չեր մտածում, որ նման բան հնարավոր է», - BBC-ի հետ զրույցում ասել է հետազոտող Հենրի Սիուելը։

 

Ինչպե՞ս է դա աշխատում․

 

Т -լիմֆոցիտների մակերեսի վրա կան քիմիական ընկալիչներ, որոնց օգնությամբ նրանք որոշում են օրգանիզմի համար վտանգավոր անտիգեները։

 

Գիտնականների թիմին հաջողվել է գտնել Т -լիմֆոցիտները քաղցկեղային բջիջների լայն սպեկտրի դեմ մարտի մղելու եղանակը։ Մեթոդը փորձարկվել է թոքի, արյան, աղու, կրծքագեղձի, ոսկրի, շագանակագեղձի, ձվարանների և արգանդի պարանոցի քաղցկեղների բջիջների վրա։

 

Լիմֆոցիտը ոչնչացնում էր քաղցկեղային բջիջները, և չէր վնասում առողջները։

 

Կոնկրետ ինչպես է Т -լիմֆոցիտը տարբերում քաղցկեղային բջիջները առողջներից, դեռ հասկանալի չէ։ Նրա ընկալիչը գործակցում է MR1 կոչվող մոլեկուլի հետ, որը առկա է մարդու օրգանիզմի յուրաքանչյուր բջջի մակերեսին։

 

Համարվում է, որ քաղցկեղային բջիջները «օգտագործում են» MR1-ը իմունային համակարգից թաքնվելու համար։ Սակայն, այս հետազության ընթացքում հայտնաբերած Т -լիմֆոցիտը, ինչպես կարծում են գիտնականները, կարող է MR1-ից ազդակ ստանալ այն մասին, որ բջջի նյութափոխանակությունը խախտված է, և այն ուռուցքային բջիջ է։

 

«Մենք առաջինն ենք նկարագրել Т-բջիջը, որը քաղցկեղային բջիջներում գտնում է MR1 մոլեկուլը։ Մինչ այդ դա ոչ ոք չէր արել», - ասում է հետազոտող Հարի Դոլթոնը։

 

Սա այս ոլորտում առաջին հետազոտությունը չէ։ Իմունային համակարգը քաղցկեղի դեմ «լարելու» փորձերը բավականին վաղուց են արվում։
Դրանցից ամենահայտնին CAR-T-ն է։ Լեյկեմիայի (արյան քաղցկեղի) դեմ այս միջոցը վերածրագրավորում է իմունային համակարգը այդ տիպի քաղցկեղի դեմ պայքարելու համար։

 

Եվս մեկ անգամ նշենք, որ այս եղենակը առայժմ կլինիկական փորձարկում չի անցել, և գիտական փորձից մինչև դեղամիջոց ճանապարհը դեռ տարիներ կտևի։


Լուրեր, հայտարարություններ
Միզապարկի քաղցկեղով հիվանդների բուժման նորագույն մոտեցումներին նվիրված գիտաժողով՝ ՈՒԱԿ-ում 18.09.2020

Գիտաժողովի ժամանակ քննարկվեցին միզապարկի ուրոթելիալ քաղցկեղի բուժման արդյունավետության ցուցանիշները, քիմիաթերապիայի առաջին շարքում կիրառվող քիմիաթերապևտիկ համակցությունների ապրելիության ցուցանիշները, ինչպես նաև քննարկվեց վերջին երկու տարիների ընթացքում ստեղծված հինգ նոր իմունոթերապևտիկ դեղերի նշանակությունը միզապարկի ուրոթելիալ մեթաստատիկ քաղցկեղի բուժման առաջին և երկրորդ շարքերում։

Կլինիկական պաթոմորֆոլոգիայի բաժանմունքի փորձառու մեր թիմին են միացել երիտասարդ մասնագետներ 17.09.2020

«Պաթոմորֆոլոգիայի մեջ կա շատ գիտություն։ Մենք մարդիկ ենք, որ սիրում ենք այն, ինչ շոշափելի է, այսինքն, ուռուցքի մասին խոսենք ոչ միայն կլինիկորեն, ոչ միայն ռադիոլոգիայով իրեն տեսնելով, այլ շոշափելով, կտրելով, և մանրադիտակի տակ նայելով։ Մենք մի քիչ սկեպտիկ ենք, հավատում ենք միայն աչքով տեսածին», - ասում է Նելլի Գրիգորյանը։

ՈՒԱԿ բարեփոխումներ. քիմիաթերապիայի բաժանմունք 16.09.2020

Վ․ Ա․ Ֆանարջյանի անվան Ուռուցքաբանության ազգային կենտրոնի բարեփոխումներին նվիրված ՀՀ Առողջապահության նախարարության երկրորդ ռեպորտաժն անդրադառնում է Ընդհանուր և մանկական քիմիաթերապիայի բաժանմունքի նորություններին, մասնավորապես, Հայաստանում և տարածաշրջանում եզակի Բացօթյա սրահին։

Հաճախ տրվող հարցեր