Նորություններ
Առաջին անգամ ՈՒԱԿ-ում․ ողնաշարի կայունացում՝ տրանսպեդիկուլյար ֆիքսացիայի համակարգով
Առաջին անգամ ՈՒԱԿ-ում․ ողնաշարի կայունացում՝ տրանսպեդիկուլյար ֆիքսացիայի համակարգով
11.03.2020

ՀՀ ԱՆ. Վ․Ա․ Ֆանարջյանի Ուռուցքաբանության ազգային կենտրոնում առաջին անգամ կատարվել է ողնաշարի կայունացում՝ տրանսպեդիկուլյար ֆիքսացիայի համակարգով։ Վիրահատությունը կատարել են Նյարդավիրաբուժության բաժանմունքի բժիշկներ՝ օրթոպեդ-վերտեբրոլոգ Կարապետ Անտոնյանը և նյարդավիրաբույժ Ռուբեն Հարությունյանը (անէսթեզիոլոգ Արշակ Հարությունյան)։


55 տարեկան տղամարդն Ուռուցքաբանության ազգային կենտրոն է ընդունվել կրծքային 7-րդ ողի ախտաբանական, այսինքն վնասվածքին ոչ բնորոշ մեխանիզմով ստացված կոտրվածքով, որն առաջացել էր ընդամենը 50կգ ծանրությամբ բեռ բարձրացնելու արդյունքում։ Ինչից ելնելով բժիշկները կասկածել են, որ կա ողերի մետաստատիկ ախտահարում։


Կատարված մագնիսառեզոնանսային և համակարգչային տոմոգրաֆիաների արդյունքում կասկածվել է շագանակագեղձի քաղցկեղ և մետաստազներ ողերում։ Սակայն ՈՒԱԿ-ում կատարված հետազոտությունները հերքել են նախնական վարկածը․ կատարվել է 7-րդ ողի տրեպան բիոպսիա և ուռուցքային ախտահարում չի հայտնաբերվել՝ ոչ առաջնային, ոչ էլ երկրորդային բնույթի։ Ինչից հետո որոշվել է կատարել վիրահատություն՝ ողնաշարի կայունացում։


«Քանի որ, ամեն դեպքում, հիվանդի մոտ կոտրվածքի այլ պատճառ չի հայտնաբերվել,  մեր մոտեցումը եղել է հետևյալը․ եթե լիներ քաղցկեղով հիվանդ, ի՞նչ կանեինք։ Հենց այդ մոտեցմամբ էլ մենք գնահատել ենք ողնաշարի անկայունությունը (ըստ SINS սանդղակի) և սպասվող կյանքի տևողությունը (Տոկոհուշիի վերանայված սանդղակով) ։ Եվ ուրոլոգների հետ համատեղ գնացել ենք վիրահատական միջամտության։ Մենք կատարել ենք կրծքային   5,6,8,9 ողերի տրանսպեդիկուլյար ֆիքսացիա՝ բազմաառանցքային տիտանե պտուտակներով։ Ուրոլոգները կատարել են շագանակագեղձի տրանսուրետրալ բիոպսիա, որի արդյունքում ստացվել է PIN1 և PIN2 (prostatic intraepithelial neoplasia), ինչը համարվում է նախաքաղցկեղային վիճակ և պահանջում է դինամիկ հսկողություն», - պատմեց Կարապետ Անտոնյանը։
 
Նա պարզաբանեց, որ բժիշկները ֆիքսել են 4 ող, ոչ թե 2, քանի որ  ՀՇ-ի վրա նկատելի էր փուշելունների հեռացում, ինչը նշանակում է, որ ողնաշարի հետին կայունացնող և տարածիչ կապանները վնասված են (ըստ AO SPINE դասակարգման B2 տիպի վնասվածք)։ «Մենք այդ վնասվածքը ինտրաօպերացիոն հայտնաբերել ենք, տեսել ենք, որ այն իսկապես կա, և համոզվել ենք, որ երկար հատվածի ֆիքսացիայի մեր որոշումը ճիշտ էր», - ասաց նա։

 


Հիվանդն արդեն ինքնուրույն քայլում է, իրեն լավ է զգում, և շուտով կգնա տուն։ Նա կշարունակի մնալ բժիշկների դինամիկ հսկողության տակ։

 

 

Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր