Պացիենտների համարՀիվանդություններ
Ուղիղ աղու քաղցկեղ
Ուղիղ աղու քաղցկեղ
19.05.2016

Կոլոռեկտալ կամ ուղիղ աղու քաղցկեղ. այս տերմիններով կոչում են հաստ աղում չարորակ նորագոյացությունները: Ինչպես ցանկացած այլ չարորակ ուռուցք, այն բնութագրվում է էպիթելի ախտաբանական աճով` մասնակի կամ ամբողջ օրգանիզմով տարածվելու, մետաստազներ տալու ունակությամբ:


Բարեբախտաբար ուղիղ աղու քաղցկեղը վիրահատելի է (դեպքերի մեծամասնությունում), որի դեմ իրականացվող ճառագայթային բուժումն արդյունավետ է, ինչն ապաքինման երաշխիք է:


Կոլոռեկտալ քաղցկեղ, շրջանները

 

«0».  ուռուցքը քիչ նկատելի է, տեղակայված է էպիթելի ներսում,

 

«1». նորագոյացությունը չի գերազանցում աղու 30%-ը և սահմանափակվում է լորձաթաղանթով,

 

«2».  բաժանվում է 2 տեսակի. Ա. չափերի մեծացմամբ`  մինչև 5 սմ, սակայն առանց մետաստազների  Բ. առանց ուռուցքի օջախի աճի, սակայն ավշային հանգույցների ախտահարմամբ,

 

«3». նորագոյացությունը գրավում է աղու շրջագծի  ½-ը և ավելին: Կարող է տալ ինչպես եզակի, այնպես էլ բազմաթիվ մետաստազներ: Ախտաբանական գործընթացի մեջ արդեն ներառված են պատերը և շրջակա բջջանքը,

 

«4».  ուռուցքի չափերը կարող են լինել տարբեր, մետաստազները հասնում են հեռակա օրգաններ: Զարգացման մյուս տարբերակում նորագոյացությունը քայքայվում է ուղիղ աղու հետ միասին՝ ներաճելով կոնքային շրջանի բոլոր հյուսվածքներ և շարունակվում է տարածվել ամբողջ օրգանիզմով:


Ուղիղ աղու քաղցկեղ. բուժումը և արդյունքները


Լավագույն արդյունքներ տալիս է համալիր բուժումը: Դրա մեջ մտնում է ճառագայթային և քիմիաբուժությունը, վիրահատական միջամտությունը, դեղորայքային բուժումը և սննդակարգին խիստ հետևելը: Բուժման եղանակների ընտրությունը պայմանավորված է նախևառաջ հիվանդության շրջանով, աղու լորձաթաղանթի վիճակով, հիվանդի ընդհանուր առողջական վիճակով և տարիքով, չարորակ ուռուցքի տեղակայմամբ ու մետաստազների առկայությամբ:  Արդյունավետ բուժման կանխատեսումը բավականին բարձր է: 1-2-րդ շրջաններում հիվանդների ապրելիությունը կազմում է 85%, որը նման բարդ հիվանդության համար գերազանց արդյունք է:


Ուղիղ աղու քաղցկեղ, ժամանակակից խնայող վիրահատական բուժում


Արդյունավետ բուժման գրավականն ամենավաղ շրջանում ուռուցքի հայտնաբերումն է, նորագոյացության և ախտահարված  շրջանների հեռացումը:


Ուղիղ աղու քաղցկեղից ազատվելու առավել խնայող եղանակ է տրանսանալ էնդոմիկրովիրաբուժությունը: Այս եղանակը խոռոչային վիրահատություն չի պահանջում և պատկանում է կետային ազդեցության արդյունավետ եղանակների թվին: Վիրահատությունն իրականացվում է հատուկ սարքով, որն ուղիղ աղի մտցվում է հետանցքով:


Տրանսանալ էնդոսկոպիկ միկրովիրաբուժության առավելություններն են.

 

  • տեսախցիկի հսկողությամբ ուռուցքի հայտնաբերում և հեռացում,

  • ցանկացած խորության վրա նորագոյացության հատման հնարավորություն,

  • վիրահատությունը կարելի է իրականացնել աղու բոլոր հատվածներում,

  • անհրաժեշտության դեպքում նորագոյացությունը հեռացվում է հարակից բոլոր հյուսվածքների հետ մեկ բլոկով, որը խոչընդոտում է քաղցկեղային բջիջների տարածմանն օրգանիզմում,

  • արյունահոսությունը դադարեցվում է ժամանակակից եղանակներով (կարում, կոագուլյացիա և այլն),

  • արտազատական համակարգի բնական գործունեության պահպանում, մշտական ստոմայի կամ կոլոստոմայի անհրաժեշտության բացակայություն:

 

Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր