Բժիշկը՝ բարդ լուծումների և բուժման պլանի արարողն է, իսկ անմիջապես հիվանդի կողքին լինում եք Դուք, բուժքույրերդ։ Ձեր մասնագիտական ունակություններից և մարդկային հատկություններից շատ բան է կախված։ Առանց Ձեզ բժիշկները կարծես առանց ձեռքերի լինեն։
Մարդկանց հետ աշխատելու համար հատուկ ունակություններ են պետք։ Իսկ առողջությունը կորցրած մարդու հետ աշխատելու համար պետք է լինել նվիրյալ։ Առավելևս՝ քաղցկեղով հիվանդ մարդկանց հետ աշխատելիս։ Մեր քույրերը մի հիվանդի հետ կարող են աշխատել երկար տարիներ, և դառնում են գրեթե հարազատ, ընտանիքի անդամ։
Սիրելի քույրեր։ Շնորհավորում ենք Ձեզ մասնագիտական տոնի՝ Բուժքույրերի միջազգային օրվա առթիվ։ Շնորհակալություն այդ ծանր գործը պատվով տանելու համար։ Եղեք միշտ այդպիսին, ինչպիսին որ կաք․ հոգատար ու կենսուրախ։