Նորություններ
Աննախադեպ վիրահատություն՝ Ուռուցքաբանության ազգային կենտրոնում (տեսանյութ)
Աննախադեպ վիրահատություն՝ Ուռուցքաբանության ազգային կենտրոնում (տեսանյութ)
13.05.2020

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնում կատարվել է իր ծավալով աննախադեպ՝ թոքի քաղցկեղի վիրահատություն։  Նախկինում նման ուռուցքները ոչ վիրահատելի էին համարվում։ Բարդությունն այն է, որ բրոնխի ու շնչափողի ախտահարման դեպքում նույնիսկ անէսթեզիան է խնդիր։

 

«Ուռուցքը աջ գլխավոր բրոնխից աճել էր դեպի շնչափողի երկատման հատված, ու տարածվել էր դեպի շնչափողի վերին հատված։ Այս պարագայում պետք էր որոշում կայացնել՝ հիվանդին վիրահատել, թե՝ թողնել դատապարտված։ Մենք հիվանդին շտապ կարգով վերցրեցինք վիրահատության», - ասում է ՈՒԱԿ թոքային վիրաբուժության բաժանմունքի վարիչ Արմեն Խանոյանը։

 

ՈՒԱԿ տնօրեն Նարեկ Մանուկյանի խոսքով, Կենտրոնում նոր բացված Թոքային վիրաբուժության բաժանմունքում հավաքվում է բժիշկների նոր թիմ՝ Արմեն Խանոյանի գլխավորությամբ։ Բաժանմունքը վերանորոգվում ու համալրվում է նոր սարքավորումներով թոքի քաղցկեղով հիվանդներին ժամանակակից մեթոդներով օգնելու համար։

 

 

Մանրամասները՝ Հանրային Հեռուստաընկերության ռեպորտաժում։



Լուրեր, հայտարարություններ
Աշխատանքի ենք հրավիրում սրտաբանի 24.09.2020

Աշխատանքային փորձը պարտադիր է։ CV-ները կարող եք ուղարկել info@oncology.am էլեկտրոնային հասցեին։ Վերնագրում խնդրում ենք նշել «սրտաբան»։

ՈւԱԿ բարեփոխումներ. Կանանց առողջության կլինիկա 23.09.2020

Վ․ Ա․ Ֆանարջյանի անվան Ուռուցքաբանության ազգային կենտրոնի բարեփոխումներին նվիրված ՀՀ Առողջապահության նախարարության երրորդ ռեպորտաժն անդրադառնում է նորաստեղծ Կանանց առողջության կլինիկային, որը կանանց առաջարկում է բուժման համալիր մոտեցում, նորագույն տեխնոլոգիաների կիրառմամբ։

«Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է»․ Նարեկ Մանուկյան 20.09.2020

«Մեր բուժկենտրոնը 2020 թվականի առաջին կիսամյակում 2019 նույն ժամանակահատվածի հետ համեմատ 1000 խոշոր հարկատուների ցանկում 84 կետ ով առաջ է եկել․ ամսեկան մոտ 20 մլն դրամ ավել հարկ ենք մուծում։ Գումարները ստվերային շրջանառությունից եկել են սպիտակ, բաց դաշտ։ Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է», - ասաց Նարեկ Մանուկյանը։

Հաճախ տրվող հարցեր