Ընդհանուր և մանկական քիմիաթերապիայի բաժանմունք

 

 

 

 

 

 

 

ԸՆԴՀԱՆՈՒՐ ԵՎ ՄԱՆԿԱԿԱՆ ՔԻՄԻԱԹԵՐԱՊԻԱՅԻ ԲԱԺԱՆՄՈՒՆՔ

 

Ընդհանուր և մանկական քիմիաթերապիայի բաժանմութնքում իրականացվում է գրեթե բոլոր տեղակայումների չարորակ նորագոյացությունների հակաութռուցքային դեղորայքային բուժում՝ բացառությամբ լեյկեմիայի բոլոր տեսակների: Կիրառվում են բուժման արդի սխեմաներ, ինչպես դասական, այնպես էլ նորագույն դեղերի, այդ թվում մոնոկլոնալ հակամարմինների և բիսֆոսֆոնատների կիրառությամբ։ Բուժումը կատարվում է պետպատվերի շրջանակում, պացիենտի կողմից համավճարով, եթե բուժման արժեքը գերազանցում է պետության կողմից տրամադրվող գումարը։

 

Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք   Քիմիաթերապիա

 

 

Общее и детское химиотерапевтическое отделение   Общее и детское химиотерапевтическое отделение   Общее и детское химиотерапевтическое отделение



Բաժանմունքում գործում են ցերեկային ստացիոնար, ստացիոնար և ինտենսիվ թերապիայի բաժին։ 
 

Общее и детское химиотерапевтическое отделение   Общее и детское химиотерапевтическое отделение   Общее и детское химиотерапевтическое отделение

 

Հայրենական բժշկության մեջ նոր խոսք է ցերեկային ստացիոնարի պացիենտների համար նախատեսված քիմիաթերապիայի Բացօթյա սրահը՝ հիվանդանոցի բակում տեղակայված հատուկ կահավորված տաղավարը, որտեղ պացիենտները թերապիա են ստանում հիվանդանոցային առօրյաից կտրված, ծաղիկներով և ծառերով շրջապատված, հարազատների ուղեկցությամբ։ Հատուկ ջերմամեկուսացման և ապակեպատման շնորհիվ տաղավարը գործում է նաև ցուրտ եղանակին։ 



Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք  



Տաղավարում նաև շատ հարմար է գիտաժողովներ և այլ մասնագիտական հանդիպումներ կազմակերպելը։ 

 

Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք


Իր աշխատանքում բաժանմունքն առաջնորդվում է բուժման և մոնիտորինգի ընդունված միջազգային ուղեցույցներով։ Յուրաքանչյուր պացիենտին ցուցաբերվում է անհատական մոտեցում՝ վիրաբույժների և ճառագայթաբանների սերտ համագործակցությամբ (tumor board)․ Քիմիաթերապիան իրականացվում է հստակ ցուցանիշների հիման վրա, հաշվի առնելով պացիենտի վիճակը ըստ Կարնովսու սանդղակի, հիվանդության փուլը, ուռուցքի ձևաբանական տեսակը։


 

 

Պրեմեդիկացիայի շնորհիվ այսօր պացիենտներն ավելի հեշտ են տանում քիմիաթերապիան, և հնարավոր է լինում խուսափել այնպիսի կողմնակի էֆեկտներից, ինչպիսիք են սրտխառնոցը, փսխումը, հոդացավերը։  


Երկարատև ներարկումների ժամանակ պացիենտներին առաջարկվում է հատուկ իմպլանտի՝ պորտակատի տեղադրում՝ արյունատար անոթների վնասումից խուսափելու համար։

 

Հատուկ սառեցնող սաղավարտը օգնում է խուսափել մազաթափությունից քիմիաթերապիայի որոշ տեսկաների ժամանակ։ Խորը սառեցման արդյունքում գլխի արտերիալ անոթները նեղանում են, և արյան հոսքը դեպի գլխամաշկ կրճատվում է, ինչի շնորհիվ քիմիաթերապևտիկ դեղերը չեն հասնում մազարմատներին, և դրանք չեն վնասվում։ 

 

 

Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք  



Քիմիաթերապիա ստացող պացիենտներին տրամադրվում է նաև կվալիֆիկացված հոգեբանական օգնություն։ 
Անհատական հոգեբանական խորհրդատվությունը պացիենտի հետ անցկացվում է նախա- և ընթացիկ քիմիաթերապևտիկ բուժման կուրսերի ժամանակ, ինչպես նաև բացօթյա սրահում պացիենտներին տրամադրվում է հոգեբանական աջակցություն՝ խմբային ձևաչափով։ 

 

 

Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք  

 

Կրծքագեղձի չարորակ ուռուցքով հիվանդները կազմում են մոտավորապես 60 տոկոս: Մնացած 40 տոկոսը ձվարանի և թոքի ուռուցքներով, լիմֆոմաներով, փափուկ հյուսվածքների և ոսկրային սարկոմաներով, միզա-սեռական համակարգի և աղեստամոքսային համակարգի ուռուցքներով և մելանոմայով հիվանդներն են: Անցկացվում է նեոադյուվանտ  /մինչվիրաբուժական/, ադյուվանտ /հետվիրաբուժական/ բուժում, իսկ չորրորդ փուլում գտնվող հիվանդները ստանում են ամոքիչ քիմիաթերապիա: Հիվանդությունների վիճակագրությունը, բուժման ձևերը և արդյունավետությունը համապատասխանում են համաշխարհային չափանիշներին:


ՈՒԱԿ-ը մասնակցում է I-III փուլերի Her-դրական կրծքագեղձի քաղցկեղի տրաստուզումաբով (հերցեպտինովբուժման պետական ծրագրին։ 

 



Զարգացման հեռանկարներն են․ ուռուցքային հիվանդների հետազոտման և բուժման ընդհանուր ուղեցույցների ստեղծումը, քիմիաթերապիայի նոր սպեմաները ներդնումը, քիմիաթերապիայի ցիրկադային մեթոդի կիրառումը՝ բուժման թունավորությունը նվազեցնելու համար։


Բաժանմունքում կատարվում են գիտական աշխատանքներ, և աշխատակիցներն ակտիվորեն մասնակցում են գիտաժողովների և համագումարների ինչպես Հայաստանում, այնպես էլ արտերկրում, մասնավորապես՝ Ռուսատսնաում,Վրաստանում, Ավստրիայում, Գերմանիայում, Հունաստանում, Իսպանիայում, Ֆրանսիայում, ԱՄՆ-ում, Չինաստանում և Ղազախստանում։ 

 

 

 

 

Գնացուցակ
Մեր մասնագետները
Լուրեր, հայտարարություններ
Էվելինա Բախշինյան․ «Բրախիթերապիայի դերն օնկոգինեկոլոգիայում» 06.04.2021

ՀՀ ԱՆ Վ․Ա․Ֆանարջյանի անվան Ռադիոգինեկոլոգիական բաժանմունքի ղեկավար Էվելինա Բախշինյանի ելույթը Հայկական Ուռուցքաբանական առաջին Կոնգրեսի ժամանակ։

Կրծքագեղձի քաղցկեղի սքրինինգի արդյունքում սպասվում է 20 տոկոսով մահացության անկում․ Արթուր Ավետիսյան 05.04.2021

Ներկա պահին շարժական մամոգրաֆը գտնվում է Վանաձոր քաղաքում։ Երեք ամսվա ընթացքում այստեղ հետազոտվել է 1300 կին, 13-ի մոտ հայտնաբերվել է քաղցկեղ։

Զարուհի Հարությունյան․ «Իմունոհիստոքիմիայի դերը կրծքագեղձի քաղցկեղի ախտորոշման մեջ» 03.04.2021

ՀՀ ԱՆ Վ․Ա․Ֆանարջյանի անվան Ուռուցքաբանության ազգային կենտրոնի Կլինիկական պաթոմորֆոլոգիայի բաժանմունքի վարիչ Զարուհի Հարությունյանի ելույթը Հայկական Ուռուցքաբանական առաջին Կոնգրեսի ժամանակ։

Հաճախ տրվող հարցեր