Ընդհանուր և մանկական քիմիաթերապիայի բաժանմունք

 

 

Կատարվող աշխատանքների ծավալները

Բաժանմունքում տարեկան կվալիֆիկացված բուժում է ստանում շուրջ 2500 հիվանդ: Քիմիաթերապիա անց է կացվում բոլոր չարորակ ուռուցքային հիվանդությունների դեպքում, բացառությամբ` լեյկեմիայի բոլոր տարատեսակների: Օգտագործվում են բուժման ինչպես դասական դեղեր (դոքսոռուբիցին, ֆարմառուբիցին, ցիկլոֆոսֆան, ֆտորուրացիլ, մետոտրեքսատ, վինբլաստին, վինկրիստին, բլեոցին, ցիսպլատին, կարբոպլատին, էտոպոզիդ և այլն), այնպես էլ նորագույն դեղեր, մոնոկլոնալ հակամարմիններ, բիսֆոսֆոնատներ, օրինակ` գեմցիտաբին, կապեցիտաբին, իրինոտեկան, էլօքսատին, տաքսոտեր, պակլիտաքսել, մաբտերա, տարցեվա, հերցեպտին, ավաստին, էռբիտուքս, ֆեմարա, զոմետա, բոնդրոնատ և այլն: Բուժումը կատարվում է պետպատվերի շրջանակում:

 

Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք  


Բաժանմունքում իրականացվում են գիտական հետազոտություններ: Մասնագետներն ակտիվ մասնակցում են գիտական համագումարներին և սեմինարներին- ESMO, ASCO` Ավստրիայում, Գերմանիայում, Իսպանիայում, Ֆրանսիայում, Հունաստանում, Իտալիայում, Շվեդիայում, ԱՄՆ-ում, Չինաստանում, Ռուսաստանում, Բելարուսում, Ուզբեկստանում, Ղազախստանում, Վրաստանում:


Զարգացման հեռանկարներ. ուռուցքային հիվանդների բուժման և հետազոտման համընդանուր ուղեցույցների  ստեղծում, քիմիաթերապիայի նոր սխեմաների ներդրում, երկարատև ինֆուզիաների կիրառում, դեղորայքի թունավոր ազդեցության նվազեցման նպատակով` բուժման ցիրկադային մեթոդի կիրառում:

 

Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք


Վիճակագրություն

Բաժանմունքում բուժվող, հիվանդության տարբեր փուլերում գտնվող կրծքագեղձի չարորակ ուռուցքով հիվանդները կազմում են մոտավորապես 60 տոկոս: Մնացած 40 տոկոսը ձվարանի և թոքի ուռուցքներով, լիմֆոմաներով, փափուկ հյուսվածքների և ոսկրային սարկոմաներով, միզա-սեռական համակարգի և աղեստամոքսային համակարգի ուռուցքներով և մելանոմայով հիվանդներն են: Ընդ որում, անց է կացվում նեոադյուվանտ  /մինչվիրաբուժական/, ադյուվանտ /հետվիրաբուժական/ բուժում, իսկ չորրորդ փուլում գտնվող հիվանդները ստանում են ամոքիչ քիմիաթերապիա: Հիվանդությունների վիճակագրությունը, բուժման ձևերը և արդյունավետությունը համապատասխանում են համաշխարհային չափանիշներին:

 

Ընդհանուր և մանկական քիմիաթերապիայի բաժանմունք   Ընդհանուր և մանկական քիմիաթերապիայի բաժանմունք   Քիմիաթերապիա


Բաժանմունքի մասնագետներն իրենց ամենօրյա աշխատանքներում առաջնորդվում են ուղեցույցներով:

Բաժանմունքը հնարավորինս ղեկավարվում է բուժման միջազգային համընդանուր ուղեցույցներով: Քիմիաթերապիա կիրառվում խիստ ցուցումներով, հաշվի առնելով հիվանդի վիճակը, հիվանդության փուլը և ուռուցքի հյուսվացաբանական տեսակը, սերտ համագործակցելով վիրաբուժների և ռադիոթերապևտների հետ և ապահովելով բուժման առավելագույն արդյունավետություն` դեղորայքի թունավոր ազդեցությունների հնարավորին նվազագույն պայմաններում:

 

 

Գնացուցակ
Մեր մասնագետները
Լուրեր, հայտարարություններ
Ուռուցքբանության ազգային կենտրոնը նոր շունչ է ստանում (վիդեո) 10.08.2020

Կենտրոնի տնօրեն Նարեկ Մանուկյանի խոսքով` ՈՒԱԿ-ի շենքը կառուցվել է 1980-ականներին, և կային բաժանմունքներ, որոնք այդ ժամանակվանից ի վեր չէին վերանորոգվել։ Այժմ կենտրոնում արդիականցվում են բժշկական սարքերը, մեծ թափով իրականացվում են վերանորոգման աշխատանքներ:

Ուռուցքբանության ազգային կենտրոնում շարունակվում են բարեփոխումները 07.08.2020

Ուռուցքաբանության ազգային կենտրոնը կարելի է համարել առանցքայիններից մեր մյուս բժշկական կենտրոնների մեջ, որովհետև շատ կարևոր ուղղություն է առաջնորդում: Ուռուցքաբանությունը, որպես ուղղություն, զարգացնելու ենք, որը բերելու է բազմաթիվ փրկված կյանքերի և վերականգնված առողջությունների: Այսպիսով` հաջողություններ կունենանք բազմաթիվ կյանքեր փրկելու տեսքով:

Նոր որակ՝ Ուռուցքաբանության ազգային կենտրոնի Ախտորոշիչ ծառայությունում 06.08.2020

Սա ևս մեկ կարևոր քայլ է ՈՒԱԿ-ի համար, որը ստեղծվելուց կրել է Ռենտգենաբանության և ռադիոլոգիայի ինստիտուտ անվանումը և միշտ հայտնի է եղել իր բարձրակարգ ռենտգենաբաններով։ Այսուհետ մեր անվանի մասնագետները կաշխատեն ժամանակակից ռենտգենաբանության պահանջներին համահունչ։

Հաճախ տրվող հարցեր