Նորություններ
Նոր բազմաֆունկցիոնալ վիրահատական սեղաններ Ուռուցքաբանության ազգային կենտրոնում (տեսանյութ)
Նոր բազմաֆունկցիոնալ վիրահատական սեղաններ Ուռուցքաբանության ազգային կենտրոնում (տեսանյութ)
09.09.2020

ՀՀ ԱՆ ՎԱ Ֆանարջյանի անվան Ուռուցքաբանության ազգային կենտրոնը վերազինում է իր վիրահատարանները։ Կենտրոնը ձեռք է բերել 8 նոր ժամանակակից վիրահատական սեղաններ, որոնցից հինգը արդեն տեղադրվել են, իսկ 3-ը կառաքվեն ավելի ուշ։


 

Հարկ է նշել, որ ՈՒԱԿ-ի վիրահատարանների մի մասում դեռ պահպանվում էին հին, ստեղծման օրվանից տեղադրված վիրահատական սեղանները, և դրանց փոխարինումը ուղղակի կենսական անհրաժեշտություն էր։ Նոր սեղանները անհամեմատ հեշտացնում են վիրաբուժական թիմի աշխատանքը։


 

Ինչպես պարզաբանեց ՈՒԱԿ-ի Վիրահատարանի վարիչ Վարդան Ղազարյանը, նոր հեռակառավարվող սեղանները համապատասխանում են ժամանակակից վիրաբուժության բոլոր պահանջներին, և կարող են կիրառվել ինչպես բաց, այնպես էլ էնդոսկոպիկ վիրահատությունների ժամանակ։

 




Այսպես, փոփոխվում է ոչ միայն սեղանի բարձրությունը, այլև դիրքը, ինչը վիրաբույժի համար ավելի լավ տեսանելիություն է ապահովում։  Այն կարող է թեքվել, պացիենտի պարանոցի, գոտկատեղի և ծնկահոդի հատվածից կարող է ծալվել, կարող է վերածվել աթոռի, ինչը շատ հարմար է գլխուղեղի որոշ վիրահատությունների համար։



Հատուկ ոտնակների շնորհիվ սեղանը կարող է օգտագործվել ուրոլոգիական և գինեկոլոգիական վիրահատությունների ժամանակ։ Այն շատ հարմար է նաև կրծքագեղձի ռեկոնստրուկտիվ վիրահատությունների համար։

 

 


 

Լուրեր, հայտարարություններ
Միզապարկի քաղցկեղով հիվանդների բուժման նորագույն մոտեցումներին նվիրված գիտաժողով՝ ՈՒԱԿ-ում 18.09.2020

Գիտաժողովի ժամանակ քննարկվեցին միզապարկի ուրոթելիալ քաղցկեղի բուժման արդյունավետության ցուցանիշները, քիմիաթերապիայի առաջին շարքում կիրառվող քիմիաթերապևտիկ համակցությունների ապրելիության ցուցանիշները, ինչպես նաև քննարկվեց վերջին երկու տարիների ընթացքում ստեղծված հինգ նոր իմունոթերապևտիկ դեղերի նշանակությունը միզապարկի ուրոթելիալ մեթաստատիկ քաղցկեղի բուժման առաջին և երկրորդ շարքերում։

Կլինիկական պաթոմորֆոլոգիայի բաժանմունքի փորձառու մեր թիմին են միացել երիտասարդ մասնագետներ 17.09.2020

«Պաթոմորֆոլոգիայի մեջ կա շատ գիտություն։ Մենք մարդիկ ենք, որ սիրում ենք այն, ինչ շոշափելի է, այսինքն, ուռուցքի մասին խոսենք ոչ միայն կլինիկորեն, ոչ միայն ռադիոլոգիայով իրեն տեսնելով, այլ շոշափելով, կտրելով, և մանրադիտակի տակ նայելով։ Մենք մի քիչ սկեպտիկ ենք, հավատում ենք միայն աչքով տեսածին», - ասում է Նելլի Գրիգորյանը։

ՈՒԱԿ բարեփոխումներ. քիմիաթերապիայի բաժանմունք 16.09.2020

Վ․ Ա․ Ֆանարջյանի անվան Ուռուցքաբանության ազգային կենտրոնի բարեփոխումներին նվիրված ՀՀ Առողջապահության նախարարության երկրորդ ռեպորտաժն անդրադառնում է Ընդհանուր և մանկական քիմիաթերապիայի բաժանմունքի նորություններին, մասնավորապես, Հայաստանում և տարածաշրջանում եզակի Բացօթյա սրահին։

Հաճախ տրվող հարցեր