Նորություններ
Կլինիկական պաթոմորֆոլոգիայի բաժանմունքի փորձառու մեր թիմին են միացել երիտասարդ մասնագետներ
Կլինիկական պաթոմորֆոլոգիայի բաժանմունքի փորձառու մեր թիմին են միացել երիտասարդ մասնագետներ
17.09.2020

Կլինիկական պաթոմորֆոլոգիայի բաժանմունքի փորձառու մեր թիմին են միացել երեք երիտասարդ մասնագետ՝ Գագիկ Մարտիրոսյանը, Նելլի Գրիգորյանը և Թամարա Հարությունյանը։


Հարցին, թե ինչու են ընտրել պաթոմորֆոլոգի մասնագիտությունը, երեքն էլ պատասխանում են, որ դա բժշկագիության հիմքն է։


«Պաթոմորֆոլոգիայի մեջ կա շատ գիտություն։ Մենք մարդիկ ենք, որ սիրում ենք այն, ինչ շոշափելի է, այսինքն, ուռուցքի մասին խոսենք ոչ միայն կլինիկորեն, ոչ միայն ռադիոլոգիայով իրեն տեսնելով, այլ շոշափելով, կտրելով, և մանրադիտակի տակ նայելով։ Մենք մի քիչ սկեպտիկ ենք, հավատում ենք միայն աչքով տեսածին», - ասում է Նելլի Գրիգորյանը։


«Իրականում պաթոմորֆոլոգիան իր մեջ ներառում է ամեն ինչ, դու պետք է իմանաս բոլոր հիվանդությունները, և կլինիկական դրսևորումներով և մորֆոլոգիական։ Կարևորը, որ վերջին խոսքը քոնն է», - ասում է Թամարա Հարությունյանը։


«Պաթոմորֆոլոգիան հանդիսանում է բժշկագիտության հիմքը։ Մեզ, որպես մաքսիմալիստի, պետք է ապացուցել ինչ որ բան, վստահ լինել, տեսնելով, շոշափելով, մաքսիմալ հետազոտելով», - ասում է Գագիկ Մարտիրոսյանը։


Երիտասարդ մասնագետները ոչ միայն ախտորոշմամբ են զբաղվում, այլ նաև կլինիկական հետազոտություններով։ Հույս ունեն, որ ապագայում Հայաստանում գիտությունը ավելի շատ ուշադրության կարժանանա, և իրենք կկարողանան ավելի լիարժեք զբաղվել իրենց սիրած գործով։




 

Լուրեր, հայտարարություններ
Աշխատանքի ենք հրավիրում սրտաբանի 24.09.2020

Աշխատանքային փորձը պարտադիր է։ CV-ները կարող եք ուղարկել info@oncology.am էլեկտրոնային հասցեին։ Վերնագրում խնդրում ենք նշել «սրտաբան»։

ՈւԱԿ բարեփոխումներ. Կանանց առողջության կլինիկա 23.09.2020

Վ․ Ա․ Ֆանարջյանի անվան Ուռուցքաբանության ազգային կենտրոնի բարեփոխումներին նվիրված ՀՀ Առողջապահության նախարարության երրորդ ռեպորտաժն անդրադառնում է նորաստեղծ Կանանց առողջության կլինիկային, որը կանանց առաջարկում է բուժման համալիր մոտեցում, նորագույն տեխնոլոգիաների կիրառմամբ։

«Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է»․ Նարեկ Մանուկյան 20.09.2020

«Մեր բուժկենտրոնը 2020 թվականի առաջին կիսամյակում 2019 նույն ժամանակահատվածի հետ համեմատ 1000 խոշոր հարկատուների ցանկում 84 կետ ով առաջ է եկել․ ամսեկան մոտ 20 մլն դրամ ավել հարկ ենք մուծում։ Գումարները ստվերային շրջանառությունից եկել են սպիտակ, բաց դաշտ։ Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է», - ասաց Նարեկ Մանուկյանը։

Հաճախ տրվող հարցեր