Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
ՀՀ ԱՆ Վ․ Ա․ Ֆանարջյանի անվան Ուռուցքաբանության ազգային կենտրոնի ուրոլոգներն ու քիմիաթերապևտները կենտրոնում կազմակերպված կլոր սեղանի ժամանակ համատեղ քննարկեցին տարածված երիկամաբջջային քաղցկեղի բուժման արդի մոտեցումները։
Ընդհանուր և մանկական քիմիաթերապիայի բաժանմունքի վարիչ Նաիրա Ջանոյանը, և Օնկուորոլոգիական բաժանմունքի վարիչ Կարեն Ծառուկյանը ներկայացրեցին այդ քաղցկեղի բուժման ընտրության ժամանակակից մարտավարությունը, մասնավորապես, թիրախային թերապիայի կիրառության արդյունավետությունը։
Նշվեց, որ եթե նախկինում երիկամի քաղցկեղը դասվում էր ագրեսիվ քաղցկեղների տեսակին, այսօր արդեն այն կարելի է դիտարկել որպես քրոնիկ հիվանդություն՝ շնորհիվ թիրախային թերապիայի, որը պացիենտի համար ապահովում է երկարատև և բավականին բարձր որակով կյանք։
Ընդհանուր և մանկական քիմիաթերապիայի բաժանմունքի բժիշկ Լուսինե Նանյանը ներկայացրեց թիրախային թերապիայի հնարավորությունները փափուկ-հյուսվածքային սարկոմաների բուժման համար։
Կլոր սեղանին բացման խոսքով ելույթ ունեցավ Novartis ընկերության ներկայացուցիչ Կարեն Կարապետյանը։
