Նորություններ
Արհեստական բանականությամբ բժշկական սարքավորումները ուռուցքաբանության ազգային կենտրոնում
Արհեստական բանականությամբ բժշկական սարքավորումները ուռուցքաբանության ազգային կենտրոնում
17.06.2021

Մաշկի նորագոյացությունները ոչ միշտ են երևում անզեն աչքով, և այդ հարցում բժիշկներին օգնության է գալիս դերմատոսկոպը։ Դերմատոսկոպը պարզ լեզվով ասած խոշորացույց է, որը հնարավորություն է տալիս տեսնել մաշկի կառուցվածքը մի քանի տասնյակ անգամ մեծացված։

 

Գերժամանակակից գերմանական FotoFinder medicam 1000 վիդեոդերմատոսկոպը ոչ միայն խոշորացույց է, այլ մի քանի լրացուցիչ գործառույթներով օժտված բարդ թվային համակարգ։

 

Նրա D-Scope Lens IV ոսպնյակը հնարավորություն է տալիս պատկերները մեծացնել 20-140 անգամ։ FotoFinder medicam 1000-ը միաժամանակ նաև ֆոտոխցիկ է, որի Full HD որակի պատկերները անմիջապես փոխանցվում են բժշկական մոնիտորի վրա։

 

Վերջապես, Moleanalyser pro ունիկալ ծրագիրը պատկերների վերլուծության համար օգտագործում է արհեստական բանականություն, որին «սովորեցրել» են ապացուցված ախտորոշումով 100 000-ից ավելի պատկերների վրա։

 

Մաշկի ցանկացած կասկածելի փոփոխության դեպքում դիմեք ՎԱ Ֆանարջյանի անվան ուռուցքաբանության ազգային կենտրոն, որտեղ կարող եք հետազոտվել այս նորագույն սարքով և ստանալ բարձրակարգ մասնագիտական խորհրդատվություն և բուժում։   


 

 

 

Լուրեր, հայտարարություններ
Աեպտեմբերի 21-ին ֆրանսիացի վիրաբույժը վիրահատություններ կկատարի Ուռուցքաբանույան ազգային կենտրոնում 15.09.2021

Բժիշկները պլանավորում են Հայաստանում ներկայացնել իրենց փորձը․ նրանք կկատարեն վիրահատություններ, հանդես կգան դասախոսություններով և կկազմակերպեն քննարկումներ հայ գործընկերների հետ։

Լեղապարկի լապարասկոպիկ հեռացում 14.09.2021

Վիրահատությունը կատարվում է վերջին սերնդի KARL STORZ էնդոսկոպիկ համակարգով, ինչի շնորհիվ ապահովվում է հետվիրահատական ավելի թեթև ընթացք և արագ ապաքինում։

Շարժունակությունը վերականգնող վիրահատություններ Ուռուցքաբանության ազգային կենտրոնում 07.09.2021

Ուռուցքաբանության ազգային կենտրոնում առաջային հետորովայնամզային մուտքով կատարվել է գոտկային 3, 4, 5-րդ ողերի լայնածավալ ռեզեկցիա, բոլոր վարակված հյուսվածքների դեբրիդմենտ (մաքրում), առաջացած դեֆեկտը լրացնելու համար օգտագործվել է տիտանային ցանցի օղ և կոնքոսկրից վերցված սեփական ոսկոր՝ աուտոգրաֆտ։

Հաճախ տրվող հարցեր