Բժշկական պարտադիր ապահովագրությունը, միանշանակ, դրական դեր կխաղա քաղցկեղի կանխարգելման եւ վաղ ախտորոշման գործում, կարծում են Հայաստանի Ուռուցքաբանների ասոցիացիայի ղեկավար Գրիգոր Բադալյանը եւ Ուռուցքաբանության ազգային կենտրոնի փոխտնօրեն Արթուր Ավետիսյանը:
Գրիգոր Բադալյանի խոսքով, այն փաստը, որ ծառայության համար արդեն վճարված է, մարդկանց կստիպի պարբերաբար կանխարգելիչ հետազոտություններ իրականացնել, իսկ հիվանդության հայտնաբերման դեպքում վիրահատության եւ բուժման վճարի հարցը կլուծվի:
Արթուր Ավետիսյանը նշել է, որ Հայաստանի համար շատ լուրջ խնդիր է բժշկական օգնությանը ուշ դիմելը: Տվյալ երեւույթի պատճառներից մեկը քաղաքացիների ծանր սոցիալ-տնտեսական վիճակն է: Սակայն, նրա խոսքով, նման պահվածք է դիտարկվում նաեւ ապահով մարդկանց շրջանում, այնպես որ, խնդիրը նաեւ քաղաքացիների գիտակցության մեջ է, իրենց առողջությանը նրանց վերաբերմունքի մեջ է: Անդրադառնալով ապահովագրության հարցին` Արթուր Ավետիսյանն ընդգծել է, որ նույնիսկ զարգացած երկրներում չեն ապավինում միայն քաղաքացիների գիտակցությանը: Հենց այդ հարցում օգնության է գալիս բժշկական ապահովագրությունը:
Արթուր Ավետիսյանը պարզաբանել է, որ նույնիսկ զարգացած հասարակական գիտակցությամբ երկրներում մարդկանց ստիպում են բժշկի գնալ կամ առողջ կենսակերպ վարել: Օրինակ, ապահովագրական վճարները ծխողների համար ավելի ցածր են, կամ, եթե կինն ամեն տարի կրծքի քաղցկեղի հայտնաբերման հետազոտություն չի անցել, հիվանդանալու դեպքում ապահովագրությունը չի ծածկի նրա բուժման ծախսը: Եթե մարդը ժամանակին կանխարգելիչ հետազոտություն չի անցել եւ բժշկական ապահովագրություն չունի, նրան կարող են աշխատանքի չընդունել:
Նորություններ
Բժշկական պարտադիր ապահովագրությունը դրական դեր կխաղա քաղցկեղի կանխարգելման հարցում
03.02.2016
Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել
12.07.2023
Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:
Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին
06.07.2023
Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։
ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA)
04.07.2023
Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով: