Նորություններ
Ուռուցքաբանական խոշոր ֆորում Հայաստանում
Ուռուցքաբանական խոշոր ֆորում Հայաստանում
20.05.2016

Մայիսի 18-ին Երևանի Մ. Հերացու անվան պետական բժշկական համալսարանի նիստերի դահլիճում տեղի ունեցավ «Հաղթահարենք քաղցկեղը ժպիտով» միջազգային գիտաժողովը, որտեղ ելույթներով հանդես եկան ԱՄՆ-ից ժամանած ուռուցքաբանության ոլորտում աշխարհահռչակ էքսպերտներ և բժշկագիտության հեղինակավոր մասնագետներ:

 

Գիտաժողովի կազմակերպիչներն էին՝ Երևանի պետական բժշկական համալսարանը, Արյունաբանության և ուռուցքաբանության հայկական ասոցիացիան, Սիթի օֆ Սմայլ հիմնադրամը, Երիտասարդ ուռուցքաբանների հայկական խումբը և Մանկական արյունաբանության և ուռուցաբանության հայկական խումբը:

 

Միջազգային գիտաժողովի շրջանակում մայիսի 19-ին Վ.Ա. Ֆանարջյանի անվան ուռուցքաբանության ազգային կենտրոնում կազմակերպվեց կոնֆերանս: Հյուսթոնից և Բոստոնից ժամանած անվանի մասնագետների, փորձագետների, հոգեբանների, սոցիալական ոլորտի աշխատողների, վիրաբույժների և և տեղի բժիշկների հետ միասին կազմակերպվեց սեմինար: Սեմինարի նպատակներից էր բժիշկների շրջանում իրականացնել փորձի փոխանակում, անցկացնել գիտական վարպետության դասեր և ուղիներ փնտրել հասարակության շրջանում նպաստելու քացկեղի մասին  տեղեկատվության մակարդակի բարձրացմանը:

 

Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում

 

Ուռուցքաբանության ազգային կենտրոնում մասնավորապես կազմակերպվել էին թոքի քաղցկեղին և մելանոմային վերաբերվող վարպետաց դասեր` աշխարհահռչակ բժիշկների մասնակցությամբ: Դասախոսները ներկայացրեցին այս հիվանդությունների ամենաժամանկակից ախտորոշման և բուժման մեթոդները, որոնք ընդունված են ԱՄՆ-ում:

 

Մայիսի 17-21-ը Երևանի պետական բժշկական համալսարանի, Արյունաբանության և ուռուցքաբանության հայկական ասոցիացիայի, City of Smile և IDeA հիմնադրամների հրավերով Հայաստանում էին ԱՄՆ առաջատար քաղցկեղի կենտրոնների՝ Տեխասի համալսարանի ՄԴ Անդերսոն Քաղցկեղի կենտրոնի (N1 քաղցկեղի կենտրոնը ԱՄՆ-ում ըստ US News & World Report-ի) և Հարվարդի համալսարանի Դանա-Ֆարբեր/Բոստոնի Մանկական քաղցկեղի և Արյան հիվանդությունների կենտրոնի (N1 մանկական քաղցկեղի կենտրոնը ԱՄՆ-ում ըստ US News & World Report-ի) պատվիրակությունները՝ մասնակցելու «Հաղթահարենք քաղցկեղը ժպիտով» միջազգային գիտաժողովին:

 

Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում


Պատվիրակության կազմում էին.


Տեխասի համալսարանի ՄԴ Անդերսոն Քաղցկեղի կենտրոնից.

 

  • պրոֆեսոր Օլիվեր Բոգլեր. ՄԴ Անդերսոն Քաղցկեղի կենտրոնի փոխնախագահ, Նեյրո-ուռուցքաբանության պրոֆեսոր, Գլխուղեղի քաղցկեղի հետազոտական կենտրոնի տնօրեն,
  • պրոֆեսոր Հագոփ Քանթարջյան. Լեյկեմիայի բաժանմունքի ղեկավար (ամենամեծն աշխարհում), աշխարհահռչակ գիտնական և բժիշկ, Օնկոհեմատոլոգիայի միության հիմնադիր,
  • պրոֆեսոր Ագոփ Բեդիկյան. Մելանոմայի բաժանմունքի պրոֆեսոր, մելանոմայի աշխարհահռչակ էքսպերտ,
  • պրոֆեսոր Արա Վափորչյան. Սիրտ-կրծքային վիրաբուժության բաժանմունքի ղեկավար, ԱՄՆ կրծային վիրաբուժության հանձնաժողովի տնօրեն,
  • պրոֆեսոր Կառլոս Բուեսո-Ռամոս. Արյունաբանական ախտաբանության բաժանմունքի պրոֆեսոր, Ոսկրածուծի հետազոտությունների բաժնի ղեկավար,
  • պրոֆեսոր Մարինա Կոնոպլյովա. Լեյկեմիաների և Ցողունային բջիջների փոխպատվաստման բաժանմունքների պրոֆեսոր,
  • Քերեն Ֆրենսիս. Գլոբալ ծրագրերի ղեկավար,
  • դոցենտ Մարո Օհանյան. Լեյկեմիաների բաժանմունքի դոցենտ:


Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում


Հարվարդի համալսարանի Դանա-Ֆարբեր/Բոստոնի Մանկական քաղցկեղի և Արյան հիվանդությունների կենտրոնից.

 

  • դոցենտ Լեսլի Լեհման. Ցողունային բջիջների փոխպատվաստման կլինիկայի ղեկավար, Համաշխարհային առողջապահական ծրագրերի բժշկական ղեկավար, Հարվարդի համալսարանի մանկաբուժության դոցենտ,
  • Իրինի Ալբանտի. Համշխարհային առողջապահական ծրագրերի տնօրեն, Հարվարդի Առողջապահական դպրոցի դասախոս,
  • Բրայն Դելանեյ. Հոգե-ուռուցքաբանության ծառայության ղեկավար, Հարվարդի համալսարանի հոգեբանության դասախոս,
  • Քեյթի Հուլահան. գլխավոր բուժքույր, բուժքույրական ծառայությունների ղեկավար
  • Խորխե Ֆերնանդես. Կլինիկական հոգեբանական և սոցիալական ծառայության թիմի անդամ:


Գիտաժողովի ղեկավարն էր դոցենտ Ավո Արթինյանը`  ԱՄՆ Բեյլորի բժշկական համալսարանի կոլո-ռեկտալ քաղկեղի վիրաբուժության բաժանմունքի ղեկավար, Արյունաբանության և ուռուցքաբանության հայկական ասոցիացիայի նախագահ:


Գիտաժողովի ընթացքում Ուռուցքաբանության ազգային կենտրոնի և ԱՄՆ-ից ժամանած մասնագետների միջև ձեռք բերվեց պայմանավորվածություն` կենտրոնի ուռուցքաբանների վերպատրաստումների վերաբերյալ ՄԴ Անդերսոն Քաղցկեղի կենտրոնում: 


Կոնֆերանս Վ.Ա. Ֆանարջյանի անվան ուռուցքաբանության ազգային կենտրոնում



Լուրեր, հայտարարություններ
6 ամսում ակնկալվում է քաշի նվազեցում՝ 10-20 կգ․ ՈՒԱԿ-ում կատարվում է ստամոքսի բալոնավորում. 168.am 29.06.2022

Հաջողությամբ իրականացվում է նաև բարիաթրիկ նիհարեցում՝ ստամոքսի բալոնավորման եղանակով։ Վերջերս նման միջամտություն է արվել 34-ամյա մի կնոջ դեպքում, որն ուներ 2-3-րդ աստիճանի ճարպակալում (քաշը՝ 100 կգ):

Հուլիսի 1-ից Ուռուցքաբանության ազգային կենտրոնում բոլոր վճարներն ընդունվելու են բացառապես անկանխիկ 28.06.2022

Հավելենք, որ հուլիսի 1-ից արյունատվության դիմաց գումարային փոխհատուցումը ևս իրականացվելու է անկանխիկ:

Մենք շարունակում ենք աշխատել հանուն երկրի զարգացման և բնակիչների կյանքի որակի բարձրացման 27.06.2022

2022թ. հուլիսից Ուռուցքաբանության ազգային կենտրոնը ՀՀ մարզերում նախաձեռնում է գիտագործնական միջոցառումների և գիտաժողովների շարք, որը կրելու է «Ուռուցքաբանական ֆորում» անվանումը: Տեղեկացնում ենք, որ առաջին գիտագործնական միջոցառումը՝ «Երևան-Շիրակ ուռուցքաբանական ֆորումը» տեղի կունենա Գյումրիում:

Հաճախ տրվող հարցեր