Պացիենտների համարԿանխարգելում
Խոլեսթերինի բարձր մակարդակը կարող է պաշտպանել քաղցկեղից
Խոլեսթերինի բարձր մակարդակը կարող է պաշտպանել  քաղցկեղից
05.11.2018

European Heart Journal հրապարակել է Աստոնի համալսարանի գիտնականների կողմից իրականացված մեծածավալ հետազոտության արդյունքները, որոնք հայտնաբերել են օրգանիզմում բարձր խոլեսթերինի անսպասելի օգտակարությունը: Մասնավորապես, նրանք եկան այն եզրակացության, որ արյան մեջ խոլեսթերինի բարձր մակարդակը կանանց պաշտպանում է կրծքագեղձի քաղցկեղի զարգացումից:


«Ի տարբերություն այն կանանց, որոնց արյան մեջ խոլեսթերինի մակարդակը բնութագրվում է ցածր ցուցանիշներով, բարձր մակարդակի խոլեսթերին ունեցող կանանց մոտ կրծքագեղձի քաղցկեղի զարգացման վտանգն ավելի ցածր է », — հայտարարել են գիտնականները՝ ամփոփելով 14 տարվա ընթացքում հավաքած տվյալները:


Գիտության մեջ նախկինում էլ են եղել տեղեկություններ այն մասին, որ խոլեսթերինի բարձր մակարդակի և կրծքագեղձի քաղցկեղի առաջացման միջև կապ կա: Տվյալ հետազոտությունը մտադիր էր ստուգել այդ հարաբերության միտումը: Արդյունքում, հեղինակները համոզվեցին, որ արյան մեջ խոլեսթերինի բարձր մակարդակ ունեցող կանայք ավելի քիչ են դիմել կրծքագեղձի քաղցկեղի կապակցությամբ:


Մասնագետներն ուսումնասիրել են 2000-2013թթ. ժամանակաշրջանում Մեծ Բրիտանիայի հիվանդանոցներում բուժվող մոտավորապես միլիոն հիվանդի տվյալները: Բժիշկներն առանձնացրել են 40 տարեկանն անց այն կանանց, ովքեր այդ ժամանակահատվածում այցելել են բժիշկներին, սակայն 2000 թվականին կրծքագեղձի քաղցկեղ չեն ունեցել: Այդ հիվանդներին բաժանել են երկու խմբի՝ բարձր խոլեսթերինով և ոչ բարձր խոլեսթերինով:  14 տարի անց, համեմատելով կանանց առողջական վիճակը, գիտնականները համոզվեցին՝ փորձի սկզբում բարձր խոլեսթերին ունեցող հիվանդների մոտ հետագայում կրծքագեղձի քաղցկեղն առավել քիչ է բհանդիպել:

Լուրեր, հայտարարություններ
Ուռուցքբանության ազգային կենտրոնը նոր շունչ է ստանում (վիդեո) 10.08.2020

Կենտրոնի տնօրեն Նարեկ Մանուկյանի խոսքով` ՈՒԱԿ-ի շենքը կառուցվել է 1980-ականներին, և կային բաժանմունքներ, որոնք այդ ժամանակվանից ի վեր չէին վերանորոգվել։ Այժմ կենտրոնում արդիականցվում են բժշկական սարքերը, մեծ թափով իրականացվում են վերանորոգման աշխատանքներ:

Ուռուցքբանության ազգային կենտրոնում շարունակվում են բարեփոխումները 07.08.2020

Ուռուցքաբանության ազգային կենտրոնը կարելի է համարել առանցքայիններից մեր մյուս բժշկական կենտրոնների մեջ, որովհետև շատ կարևոր ուղղություն է առաջնորդում: Ուռուցքաբանությունը, որպես ուղղություն, զարգացնելու ենք, որը բերելու է բազմաթիվ փրկված կյանքերի և վերականգնված առողջությունների: Այսպիսով` հաջողություններ կունենանք բազմաթիվ կյանքեր փրկելու տեսքով:

Նոր որակ՝ Ուռուցքաբանության ազգային կենտրոնի Ախտորոշիչ ծառայությունում 06.08.2020

Սա ևս մեկ կարևոր քայլ է ՈՒԱԿ-ի համար, որը ստեղծվելուց կրել է Ռենտգենաբանության և ռադիոլոգիայի ինստիտուտ անվանումը և միշտ հայտնի է եղել իր բարձրակարգ ռենտգենաբաններով։ Այսուհետ մեր անվանի մասնագետները կաշխատեն ժամանակակից ռենտգենաբանության պահանջներին համահունչ։

Հաճախ տրվող հարցեր