ANAB միջազգային հավատարմագրող մարմնից ստացած ISO 15189։2022 ստանդարտի (բժշկական լաբորատորիաներ․ որակին և իրազեկությանը ներակայացվող պահանջներ) ներդրման վերջնարդյունքը ՈՒԱԿ ախտորոշիչ լաբորատորիայում լրիվ ավտոմատացված սարքավորումներն են, բժշկական անձնակազմի կոմպետենտության բարձր աստիճանը և սպասարկման պայմանների բարելավումը։

Ավտոմատացված սարքերին զուգահեռ լաբորատորիայի մասնագետների հմտությունները, այնուամենայնիվ, շարունակում են առաջնահերթություն մնալ։

ՀՀ ԱՆ Վ․ Ա․ Ֆանարջյանի անվան ՈՒԱԿ Լաբորատոր ածտորոշիչ ծառայության ղեկավար Աննա Հակոբյանն ընդգծում է, որ արագ և ճշգրիտ հետազոտություն իրականացնելը հնարավոր է դարձել հենց նոր համակարգի միջոցով։

Որակի կառավարման և վերահսկման բաժնի ղեկավար Դավիթ Ղազարյանն էլ առանձնակի շեշտում է, որ լաբորատորիայում կառավարման համակարգի առկայությունն անմիջականորեն անդրադառնում է ծառայությունից օգտվողների գոհունակության վրա։