Ինչպե՞ս պետք է քաղցկեղն ախտորոշել, ի՞նչ թերապիայի տեսակ ընտրել և ինչպե՞ս կանխատեսել արդյունքը. դասընթացի մասնակիցները ստացել են ավարտական հավաստագրեր



Ուռուցքաբանության ազգային կենտրոնի և Ամերիկյան BostonGene կենսատեխնոլոգիական ընկերության կողմից համատեղ կազմակերպվել էր “Medical excellence in modern oncology” դասընթաց, որի նպատակն է եղել հնարավորություն ընձեռել բժշկական ուղղվածության ֆակուլտետների ուսանողներին և ուռուցքաբանության օրդինատոր\բժիշկներին՝ բարելավելու իրենց գիտելիքները քաղցկեղի բուժման ժամանակակից մեթոդների և տեսությունների վերաբերյալ։

Համագործակցության արդյունքում 38 մասնակիցներ ձեռք բերեցին քաղցկեղի բուժման ժամանակակից մեթոդների վերաբերյալ գիտելիքներ և ստացան հավաստագրեր։

Կազմակերպությունների ներկայացուցիչները ելույթի խոսքում հույս հայտնեցին շարունակական համագործակցության և մասնակիցներին հետագա նոր հնարավորությունների ընձեռնման համար։



Մեր նպատակն է աջակցել բժշկական ոլորտի մասնագետներին բարելավել իրենց գիտելիքների մակարդակն ու հասնել նոր արդյունքների։