ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնում այսօր կայացավ «Կրծքագեղձի քաղցկեղի բուժման արդի մոտեցումները» հերթական կլոր սեղանը, որը կազմակերպել էր Ընդհանուր և մանկական քիմիաթերապիայի ծառայությունը։

Զեկույցներով հանդես եկան ՈւԱԿ-ի Ընդհանուր և մանկական քիմիաթերապիայի ծառայության ղեկավար Նաիրա Ջանոյանը, քիմիաթերապևտներ Աննա Թադևոսյանն ու Կարինա Սողոմոնյանը, «Աստղիկ» բժշկական կենտրոնի ուռուցքաբանական կլինիկայի ղեկավար Հասմիկ Պետրոսյանը, ինչպես նաև «Նովարտիս»-ի և KAM Oncology Armenia-ի ներկայացուցիչ Կարեն Կարապետյանը։

Քննարկման ընթացքում ներկայացվեցին Հայաստանում կրծքագեղձի քաղցկեղով հիվանդացությունը, միջազգային ուղեցույցները, ինչպես նաև մինչդաշտանդադարի և հետդաշտանադադարի տարիքի կանանց մոտ կրծքագեղձի քաղցկեղի HER դրական և HER2 բացասական տիպերի CDK4/6 ինհիբիտորով բուժման արդյունքները։

Միջոցառմանը մասնակցեցիւմ էին Ուռուցքաբանության ազգային կենտրոնի քիմիաթերապևտներն ու մամոլոգները։