Մայիսի 31-ին աշխարհում նշվում է «Առանց ծխախոտի» միջազգային օրը
1987 թվականից մայիսի 31-ն աշխարհում նշվում է «Առանց ծխախոտի» միջազգային օր։
Աշխարհում ծխախոտ օգտագործողների թիվն ամեն տարի աճում է, հատկապես դեռահասների շրջանում է լայն կիրառություն ստացել:
Օրվա նպատակն է ևս մեկ անգամ իրազեկել քաղաքացիներին, որ ծխախոտի օգտագործումը կարող է պատճառ դառնալ մի շարք հիվանդությունների առաջացման և բարդացման։
Ծխախոտն ազդում է շնչառական, մարսողական, սիրտ-անոթային, վերարտադրողական և այլ համակարգերի աշխատանքի վրա։ Այն մեծ դեր ունի նաև տարբեր օրգաններում քաղցկեղի առաջացման հարցում։
Ծխախոտը կարող է առջողջական խնդիրներ առաջացնել ինչպես ծխողների, այնպես էլ պասիվ ծխողների՝ ծխախոտի ծուխը շնչողների մոտ։
Անհրաժեշտ է հիշել, որ ծխելու ոչ մի ապահով միջոց չկա։
