Սիրելի՛ կանայք և աղջիկներ,

Շնորհավորում եմ ձեզ գարնանային այս գեղեցիկ տոնի՝ Կանանց միջազգային օրվա առթիվ:

Անգնահատելի է այն դերը, որ դուք կատարում եք մեր հասարակության մեջ, այդ թվում նաև Ուռուցքաբանության ազգային կենտրոնում՝ դրսևորելով բարձր պրոֆեսիոնալիզմ, բարեխղճություն և մեծ եռանդ:

Այսօր բոլորս հայտնում ենք ձեզ մեր երախտագիտությունն ու նվիրվածությունը՝ քաջ գիտակցելով, որ ձեր հանդեպ հոգատարությունը երբեք չպետք է սահմանափակվի միայն այս օրով:

Որպես բժշկական կենտրոնի տնօրեն, որտեղ բուժում են ստանում հազարավոր կանայք, ուզում եմ ընդգծել, որ կանայք ուժեղ են, կանայք կարող են հաղթահարել անհնարին թվացող բոլոր դժվաությունները։ Սակայն, ուզում եմ խնդրանքով ու հորդորով դիմել ձեզ, սիրելի՛ կանայք և աղջիկներ, հետևե՛ք ձեր առողջությանը։ Արեք այդ ամենը ձեր սիրելիների և մտերիմների երջանկության, ձեր մասնագիտական հաջողությունների համար։

Սիրելի՛ կանայք և աղջիկներ,

մաղթում եմ ձեզ քաջառողջություն ու նորանոր հաջողություններ՝ ի բարօրություն մեր ընտանիքների և ի շահ մեր Հայրենիքի:

Թո՛ղ ձեր ընտանեկան հարկերի տակ միշտ իշխեն սերն ու ջերմությունը, և թո՛ղ միշտ լինեք ներդաշնակ, սիրված ու գնահատված:

Առանձնահատուկ երախտագիտությամբ շնորհավորում եմ զինվորների մայրերին, ում որդիներն այս պահին ծառայում են բանակում:

Եղե՛ք առողջ: 

Նարեկ Մանուկյան

ՈւԱԿ տնօրեն