Ուռուցքաբանության ազգային կենտրոնում այժմ կատարվում են նաև ողնաշարի տարբեր հատվածների ֆիքսացիոն վիրահատություններ, ինչպես մետաղական կոնստրուկցիաներով, այնպես էլ ոսկրային ցեմենտների օգնությամբ:

Ֆիքսացիոն վիրահատությունները կիրառվում են ողնաշարի բնածին և ձեռքբերովի հիվանդությունների վիրահատական բուժման ժամանակ, ողնաշարային խողովակի և ողնուղեղի ուռուցքների հեռացման ժամանակ, ապահովում են ողնաշարի կայուն հենարան, բարձրացնում՝ կյանքի որակը: Ֆիքսացիոն վիրահատությունները թույլ են տալիս զգալի կրճատել հիվանդների վերականգնողական շրջանը, նվազեցնում են հետվիարահատական ուշ բարդությունները:
              

Կիրառվում է նաև ֆիքսացիոն վիրահատություններ ոսկրային ցեմենտների օգնությամբ: Ողնաշարի ոսկրային համակարգի անոթային կամ ուռուցքային ախտահարումներ դեպքում, որոնք նախքինում բուժվում էին երկարատև ճառագայթային կամ քիմիաթերապևտիկ եղանակով, այժմ` ոսկրային ցեմենտների ներարկմամբ, կարճ ժամկետներում հնարավոր է վերացնել ախտահարված հատվածը, միաժամանակ վերականգնելով ողնաշարի հենարանային ֆունկցիան: