Ուռուցքաբանության ազգային կենտրոնի նպատակն է մատուցել լավագույն բժշկական ծառայություններ՝ լավագույն բուժանձնակազմով և ժամանակակից սարք-սարքավորումներով: Այս նպատակի իրագործման կարևոր բաղադրիչ է հանդիսանում շարունակական մասնագիտական զարգացումը և աշխարհի առաջատար կլինիկաների գործընկերների հետ փորձի փոխանակումը։ ՈւԱԿ Դեղորայքային ուռուցքաբանության բաժանմունքի ավագ բուժքույրեր Աննա Հովսեփյանն ու Անուշ Խաչատրյանը Սանկտ Պետերբուրգի Բուժքույրական ակադեմիայի գործընկերների հետ միասին 2023 թվականի դեկտեմբերի 6-ին՝ ռուս գործընկերների հրավերով, մասնակցել են Ռուսաստանի Դաշնության Սանկտ Պետերբուրգ քաղաքում FRESEBIUS KABI AGILIA ընկերության կողմից կազմակերվպած՝ «Նոր սերնդի ինֆուզամատերի կիրառումը քիմիաթերապիայի բաժանմունքում» թեմայով վերապատրաստմանը։ Վերապատաստման արդյունքում ստացած գիտելիքների շնորհիվ՝ 

1. կենտրոնում կներդրվեն նոր տեխնոլոգիաներ,
2. բուժքույրերի աշխատանքն էլ ավելի որակյալ կդառնա,
3. դեղորայքներն ավելի ճշգրիտ և ժամերի պահպանմամբ կներմուծվեն,
4. կխուսափեն դեղորայքի էքսովազացիաներից,
5. պացիենտների համար քիմիաթերապիայի ընթացքն էլ ավելի անվտանգ կդառնա։

Նախանշվում է նոր համագործակցություն FRESEBIUS KABI AGILIA կազմակերպության և ՈՒԱԿ-ի միջև, որն ուղղված է լինելու Ուռուցքաբանության ազգային կենտրոնի զարգացմանը։