ԼԱԲՈՐԱՏՈՐ ԾԱՌԱՅՈՒԹՅՈՒՆ

Կլինիկական պաթոմորֆոլոգիայի բաժանմունքում կատարվում են հետևյալ հետազոտությունները.

1. բջջաբանական հետազոտություն (քսուկների, քերուկների, պունկտատների, դրոշմվածքների, կենսական հեղուկների հետազոտություն)
2. հյուսվածքաբանական հետազոտություն, այդ թվում` բիոփսիայի (վիրահատական կենսանմուշների)
3. hյուսվածքաքիմիական հետազոտություն
4. իմունահյուսվածքաքիմիական հետազոտություն, այդ թվում նաև` cell-block:

Բաժանմունքում յուրաքանչյուր տարի իրականացվում են մոտ 4000 հյուսվածքաբանական, մոտ 5000 ` բջջաբանական, մոտ 1000 հյուսվածքաքիմիական և իմունահյուսվածքաքիմիական հետազոտություններ:

Բաժանմունքը հագեցած է ժամանակակից սարքերով, որոնք ապահովում են նմուշների ավտոմատ մշակումը:

Բաժանմունքը համալրված է ամերիկյան արտադրության Ventana Benchmark ավտոմատ համակարգով, ինչն ապահովում է իմունահյուսվածքաքիմիական հետազոտությունների բարձր որակը՝ բացառելով մարդկային գործոնը: Սա հնարավորություն է ընձեռում իրականացնել ուռուցքների առավել ճշգրիտ ախտորոշում, ինչը նպաստում է հիվանդի բուժման առավել նպատակային ռազմավարություն ընտրելուն:

Բաժանմունքը համալրված է նաև նոր սերնդի LEICA ընկերության DM750 բազմաֆունկցիոնալ մանրադիտակով, որը ոչ միայն ապահովում է գոյացությունների հետազոտվող նմուշների բարձրորակ պատկերներ, այլև հնարավորություն է տալիս այդ պատկերները տեսանկարահանել։

Մանրադիտակը հնարավորություն է տալիս հեռաբժշկության միջոցով բարդ դեպքերը քննարկել ինչպես հայաստանյան, այնպես էլ արտեկրի գործընկերների հետ։

Հեռ․ +37410205050, ներքին՝ 142, 148