Սիրելի կանայք։

Սեպտեմբերի 6-ից մինչև հոկտեմբերի 1-ը Դուք կարող եք անվճար կոլպոսկոպիկ հետազոտություն անցնել ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնում։

Կենտրոնը համալրվել է գերմանական Leisegang ընկերության բարձրակարգ կոլպոսկոպով, ինչպես նաև կենտրոնում առկա է KN-2200 մոդելի կոլպոսկոպ։

Կոլպոսկոպիան արգանդի վզիկի քաղցկեղի կանխարգելման արդյունավետ մեթոդ է, որը թույլ է տալիս  հայտնաբերել խնդիրը ինչպես նախակլինիկական, այնպես էլ ֆոնային հիվանդությունների փուլում։

Այն էականորեն բարձրացնում է գինեկոլոգիական տարբեր ախտահարումներով կանանց հետազոտության արդյունավետությունը, և միևնույն ժամանակ ոչ ինվազիվ է և անցավ։

Հերթագրվելու համար զանգահարեք +374 10 23 68 29։

Գնահատե՛ք Ձեր առողջությունը, անցե՛ք կանխարգելիչ հետազոտություն։