Արգանդի պարանոցի քաղցկեղը հաղթահարելի է հայտնաբերման վաղ փուլերում
«Պետք է լույս գտնել։ Թեկուզ մտնել թունել ու բժիշկների օգնությամբ լույս գտնել։ Այդ դեպքում ամեն բան լավ կլինի»,-արգանդի պարանոցի քաղցկեղի հաղթահարման ճանապարհի իր փորձից է պատմում տիկին Կարինեն։
Հեռահար ճառագայթային բուժումն ավարտելուց հետո Կարինե Մովսեսյանն այժմ կոնտակտային ճառագայթային բուժում է ստանում։
ՀՀ ԱՆ Վ․Ա․ Ֆանարջյանի անվան ուռուցքաբանության ազգային կենտրոնի Կանանց առողջության կլինիկայի ղեկավար Կարապետ Բազիկյանն Առաջին լրատվական ալիքի անդրադարձում խոսել է արգանդի պարանոցի քաղցկեղի զարգացման մասին՝ նշելով, որ հիվանդությունը չունի կայծակնային զարգացում, կարող է առաջանալ 5 և ավելի տարիների ընթացքում։
«Ժամանակին գինեկոլոգի դիմելը այս հիվանդության հաղթահարման առաջին նախադրյալն է։ Արգանդի պարանոցի սքրինինգը հասանելի է տեղամասային պոլիկլինիկաներում, ուստի տարեկան առնվազն 1 անգամ ստուգումը հիվանդության կանխարգելման լավագույն միջոցներից է»,-շեշտել է մասնագետը։
