Վ․Ա․ Ֆանարջյանի անվան Ուռուցքաբանության ազգային կենտրոնը շարունակում է նոր մոտեցումների ներդրումը ուռուցքային հիվանդությունների ախտորոշման և բուժման գործում։

Մասնավորապես, Որովայնային և էնդովիրաբուժության բաժանմունքում արդեն մի քանի ամիս է հաջողությամբ կատարվում են հաստ աղու քաղցկեղի լապարոսկոպիկ վիրահատություններ։ Թեև լապարոսկոպիկ վիրաբուժությունը վաղուց արդեն ստանդարտ է ողջ աշխարհում, այդ թվում և Հայաստանում, կոնկրետ կոլոռեկտալ վիրահատությունները մեր երկրում հիմնականում կատարվում են բաց եղանակով։ Ուռուցքաբանության ազգային կենտրոնն առաջաիններից է, որ ներմուծել է այդ ստանդարտը նաև այս ոլորտում։

Օրերս վիրաբույժներ Ավետիք Պետրոսյանը, Արմեն Նիկողոսյանը և Վիկտորյա Հովհաննիսյանը լապարասկոպիկ եղանակով կատարել են սիգմայաձև աղու մասնահատում՝ ռեգիոնար ավշային հանգույցների հեռացումով։ Պացիենտն իրեն լավ է զգում, և այսօր դուրս է գրվել հիվանդանոցից։

Մեր փորձառու թիմում համադրվում են բազմամյա փորձը և նոր տեխնոլոգիաների կիրառումը, որի արդյունքում ապահովվում է միջազգային ստանդարտներին համապատասխան բարձր մասնագիտացված  բուժում: