«Ապացուցված է, որ ծխախոտը թոքի քաղցկեղի առաջացման հիմնական ռիսկի գործոններից է։ Ծխախոտի ծուխը ազդեցություն է ունենում ոչ միայն ծխող մարդու, այլև շրջապատի մարդկանց վրա»,-«Արմենպրես»-ի «Հարց բժշկին» հաղորդման ընթացքում նշում է ՀՀ ԱՆ Վ․ Ա․ Ֆանարջյանի անվան ուռուցքաբանության ազգային կենտրոնի թորակալ վիրաբույժ Տարոն Ղարիբյանը։

Հիվանդության բուժելիության մասին խոսելիս բժիշկն արձանագրում է, որ վիրահատական միջամտությունը թոքի քաղցկեղի առաջին և երկրորդ փուլերում ամենաարդյունավետն է։

Թոքի քաղցկեղի դեղորայքային բուժմանն անդրադառնալով՝ Տարոն Ղարիբյանը առանձնացնում է քիմիաթերապիան, իմունոթերապիան, թիրախային թերապիան, ինչպես նաև նշված մեթոդների համակցումները։ Բուժման մեթոդը որոշվում է ըստ ուռուցքի տեսակի, տարածվածության աստիճանի և փուլավորման։

Ժառանգականության գործոնը այս հիվանդության դեպքում նույնպես առկա է, ուստի կանխարգելիչ հետազոտությունն անհրաժեշտություն է։

Թոքի քաղցկեղի կանխարգելման մեթոդներից են ծխախոտից հրաժարվելը, առողջ ապրելակերպ վարելն ու առողջ սնվելը։

Ամբողջական տեքստը՝ https://armenpress.am/hy/article/1205163

Ամբողջական podcast-ը կից՝