Ուռուցքաբանության ազգային կենտրոնը 2023 թվականի նոյեմբերին իրականացրեց թոքի սքրինինգային հետազոտության պիլոտային ծրագիր։ Ցածր դոզավորմամբ համակարգչային շերտագրում անցան 72 պացիենտ։ Ստացված արդյունքների մասին խոսելիս ՈՒԱԿ Պալիատիվ ծառայության կլինիկայի ղեկավար, թորակալ վիրաբույժ Տիգրան Բյուզանդյանը նշել է.

«Առաջին փուլում հայտնաբերվել են երկու օջախային գոյացություններ, հավանաբար, քաղցկեղ, և այժմ նրանք գտնվում են վերահսկողության տակ։ Եվ ունեցել ենք չորս GGO` ground glass opacities, այսինքն` թոքի հյուսվածքի փոփոխություն հաղճապակու տեսքով, որոնք ենթակա են հետագա հսկողության»:

Մասնագետը նաև նշել է, որ հետազոտության երկրորդ փուլն իրականացվել է 2024 թվականի փետրվարի 4-ին նշվող Քաղցկեղի դեմ պայքարի միջազգային օրվան ընդառաջ, որին մասնակցել է 23 բուժառու։ 

«Ընդհանուր առմամբ, համեմատելով մեր ստացված ցուցանիշները միջազգային փորձի հետ՝ և արդեն իսկ կատարված պիլոտային, և ազգային ծրագրերի հետ, մեր ստացած ցուցանիշներն իդենտիկ են։ Հետագայում, իհարկե, մենք պլանավորում ենք կրկնել նմանատիպ ծրագրերը՝ ի օգուտ մեր բնակչության»,-նշել է Տիգրան Բյուզանդյանը։

Ամբողջական նյութը՝ bit.ly/42Q5dzs

Տեսանյութը՝ bit.ly/3USTCOm