Ուռուցքաբանության ազգային կենտրոնը շարունակում է մասնագետների վերապատրաստումը աշխարհի լավագույն կենտրոններում

Ուռուցքաբանության ազգային կենտրոնի Հեռահար ճառագայթային թերապիայի բաժանմունքի բժիշկ Սերգո Մխիթարյանը 6 շաբաթյա վերապատրաստում է անցել Գյուստավ Ռուսի ուռուցքաբանական կենտրոնում:

Ամերիկյան Newsweek ամսագրի կողմից 2022 թվականին հրապարակված մասնագիտացված հիվանդանոցների վարկանիշային աղյուսակում Գուստավ Ռուսին զբաղեցնում է աշխարհի մակարդակով 3-րդ տեղը (bit.ly/3wkDjvW):

Սերգո Մխիթարյանը շաբաթներ շարունակ մասնակցել է ուռուցքաբանական կենտրոնի նեղ-մասնագիտական քննարկումներին, սեմինարներին, պացիենտների հետ խորհրդատվություններին, ճառագայթային բուժման կոնտուրավորումներին և պլանավորումներին: 

Բժիշկը ծանոթացել է IMRT և VMAT ճառագայթային ժամանակակից սարքավորման համակարգերին:

Հիշեցնենք՝ ճառագայթային թերապիա Հայաստանում անցկացվում է միայն Ուռուցքաբանության ազգային կենտրոնում (չարորակ գոյացությունների դեպքում ծառայությունը անվճար է): 

Մեր կենտրոնի համար առաջնային է այս ոլորտի պարբերաբար բարեփոխումները, բժիշկների վերապատրաստումներն ու բաժանմունքի սարք-սարքավորումների թարմացումն ու գերժամանակակիցների ապահովումը: