Կարևորելով առաջին օգնության ճիշտ կազմակերպումը՝ ՈՒԱԿ Լաբորատոր ծառայության անձնակազմը մասնակցել է դասընթացի 

Հունիսի 12-ին և 13-ին Ուռուցքաբանության ազգային կենտրոնի Լաբորատոր ծառայության ողջ անձնակազմը մասնակցել է Հայկական կարմիր խաչի ընկերության ( @redcrossyoutharm ) կողմից կազմակերպված «Առաջին օգնության հիմունքներ» դասընթացին։



Դասընթացի նպատակն առաջին օգնության ճիշտ կազմակերպումն էր մարդասիրության և կամավորության սկզբունքներից ելնելով։ Մասնակիցները ծանոթացել են, թե տարբեր իրավիճակներում առաջին օգնության ինչպիսի քայլեր պետք է կատարեն, որոնք ոչ միայն կօգնեն, այլ նաև չեն վնասի տուժածին. Տեղում դասընթացավարների կողմից ցուցադրվել են քննարկված դեպքերը։

Դասընթացն իրականացվել է ԿԽՄՖ Առաջին օգնության, վերակենդանացման և կրթության միջազգային չափանիշներին համապատասխան։ Մասնակիցներին տրվել է դասընթացի մասնակցության վկայական։

Պացինետակենտրոնությունը որպես առաջնահերթություն ունենալով, ՈՒԱԿ-ը կարևորում և խրախուսում է նմանօրինակ դասընթացների մասնակցությունը կենտրոնի աշխատակիցների կողմից։