ԿԼԻՆԻԿԱ

Անզգայացման և վերակենդանացման բաժանմունքի գործառույթները ներառում են ինչպես հիվանդների վաղ հետվիրահատական շրջանի, այնպես էլ ինտենսիվ թերապիայի կարիք ունեցող հիվանդների բուժման կազմակերպումը:

Այստեղ տարեկան բուժօգնություն է ստանում ավելի քան 6000 հիվանդ: Բաժանմունքն ունի 20 մահճակալ: Վերակենդանացման բաժանմունքը հագեցած է անհրաժեշտ բոլոր սարքավորումներով՝ ռենտգեն և ուլտրաձայնային ախտորոշիչ հետազոտության սարքերով, ինչպես նաև դիալիզի սարքով:

Այդ ամենը հնարավորություն է տալիս մշտապես հետևել հիվանդների կենսական ցուցանիշներին և իրականացնել դինամիկ հսկողություն, իսկ անհրաժեշտության դեպքում՝ արագ արձագանքել:

Բաժանմունքում կիրառվում է աշխարհում տարածված անզգայացման բոլոր տեսակները․

• Ընդհանուր անզգայացում,
• Ողնուղեղային անզգայացում,
• Էպիդուրալ անզգայացում,
• Ռեգիոնալ անզգայացում։

Ինչպես նաև, անհրաժեշտության դեպքում վերը նշված մեթոդների համակցում է իրականացվում։

Անզգայացման և վերակենդանացման բաժանմունքի գործառույթներից է նաև ցավի ինտերվենցիոն (միջամտական եղանակով) կառավարումը, որի նպատակն է դժվար կառավարվող ցավային համախտանիշի հաղթահարումը։

Հեռ․ +37410205050, ներքին՝ 193