Կրծքագեղձի հեռացումից հետո կամ միաժամանակ վերականգնողական (ռեկոնստրուկտիվ )վիրահատությունները լայնորեն կիրառվում են զարգացած երկրների ուռուցքաբանական կլինիկաներում։ Հաշվի առնելով մի շարք գործոններ` կատարվում է վերականգնում՝ կա՛մ սեփական հյուսվածքներով (աուտոլոգիական ռեկոնստրուկցիա), կա՛մ իմպլանտների տեղադրմամբ։

Սեփական հյուսվածքներով վերականգնումը կատարվում է միկրովիրաբուժության միջոցով։ Այն ապահովում է կրծքագեղձի ավելի բնական տեսք և զգացողություն։

Մեր կենտրոնում կրծքագեղձի միկրովիրաբուժական վերականգնումը ներդվել է մոտ 3 տարի առաջ։ Այս եղանակի կիրառումն ավելի զարգացնելու և լավագույն փորձի տեղայնացման համար ՈՒԱԿ-ն արժևորում է միջազգային առաջատար մասնագետների այցելությունները մեր կենտրոն։

Այսպիսով, հուլիսի 8-ին և 9-ին ՈՒԱԿ-ում կհյուրընկալվեն Իսպանիայի Բարսելոնա քաղաքի Sant Pau հիվանդանոցի Պլաստիկ վիրաբուժության բաժանմունքի նախագահ Ջաումե Մասիան և նույն բաժանմունքի վարիչ Ջեմմա Պոնսը։

Այցի շրջանակներում աշխարհահռչակ միկրովիրաբույժները կկատարեն խորհրդատվություններ, ինչպես նաև կիրականացնեն կրծքագեղձի վերականգնողական վիրահատություններ։

ՈՒՇԱԴՐՈՒԹՅՈՒՆ Խորհրդատվության գրանցման կամ լրացուցիչ տեղեկատվության համար անհրաժեշտ է զանգահարել ՆԱԽԱՊԵՍ։

Հեռախոսահամար՝ 077 93 04 00 (երկուշաբթիից ուրբաթ` 09:00-17:00-ն):