Բարսելոնան այսօր ոչ միայն արվեստի և ճարտարապետության բնագավառի համաշխարհային կենտրոն է, այլև՝ բժշկության նորարարական մտածողության հարթակ։

Ուռուցքաբանության ազգային կենտրոնի Մամոլոգիական բաժանմունքի բժիշկ-ուռուցքաբան Լուսինե Ջիլավյանը հուլիսի 14-25-ը մասնակցել է վերապատրաստման «Կրծքագեղձի վերականգնողական և պլաստիկ վիրահատություններ» թեմայով, որն անցկացվել է աշխարհահռչակ «Clinica Planas» բժշկական կենտրոնում՝ պլաստիկ վիրաբույժ, պրոֆեսոր Ջաումե Մասիայի ղեկավարությամբ։

Ծրագիրը ներառել է կրծքագեղձի վերականգնողական վիրաբուժության նորագույն մոտեցումները, առաջատար տեխնոլոգիաների կիրառումն ու ինտենսիվ վիրահատական փորձը՝ ուղղված կանանց առողջության վերականգնմանը և կյանքի որակի բարձրացմանը։

Մասնագիտական զարգացումը երբեք չի դադարում, երբ նպատակը մարդկանց առողջությունն ու կյանքի որակն է: