Ուրախությամբ հայտնում ենք, որ Ուռուցքաբանության ազգային կենտրոնի մասնագետների գիտական թեզիսը ընդգրկվել է ԱՄՆ-ի Կլինիկական ուռուցքաբանության ասոցիացիայի (ASCO) 2025 թվականի տարեկան գիտաժողովի պաշտոնական ժողովածուում։

Թեզիսը ներկայացնում է 2021–2023 թվականներին ՈՒԱԿ Հեռահար ճառագայթային թերապիայի բաժանմունքում բուժում ստացած գլխուղեղի առաջնային չարորակ ուռուցքով հիվանդների տվյալների ռետրոսպեկտիվ վերլուծության արդյունքները։

Գիտական թեզիսին կարող եք ծանոթանալ հետևյալ հղումով` https://bit.ly/4mAfidb: 

Սա կարևոր քայլ է ինչպես մեր կենտրոնի գիտական գործունեության առաջխաղացման, այնպես էլ հայաստանյան ուռուցքաբանության միջազգային ճանաչման ճանապարհին։ ASCO-ի տարեկան գիտաժողովը համարվում է ոլորտի ամենահեղինակավոր և մեծամասշտաբային հարթակներից մեկը, որը համախմբում է աշխարհի առաջատար մասնագետներին։