ԿԼԻՆԻԿԱ

Ներխոռոչային և ներհյուսվածքային ճառագայթային թերապիայի բաժանամունքը առաջինն ու միակն է Հայստանում, որտեղ իրականացվում է չարորակ նորագոյացությունների կոնտակտային ճառագայթային բուժում` բրախիթերապիա:

Բաժանմունքի կլինիկական գործունեության հիմնական ուղղությունները․

• Օնկոգինեկոլոգիական հիվանդությունների` արգանդի վզիկի, մարմնի, հեշտոցի քաղցկեղի ներխոռոչային և ներհյուսվածքային բրախիթերապիա 2D և 3D վիզուալիզացիայով:
• Ուղիղ աղու ներլուցանցքային /էնդոլյումինալ/ բրախիթերապիա:
• Ռադիոմոդիֆիկիցիա քիմիաթերապևտիկ դեղամիջոցներով՝ համապատասխան ժամանակակից ուղեցույցներին:

Բուժական ծրագրեր՝

Արգանդի պարանոցի քաղցկեղ․

• Համակցված ճառագայթային բուժում արմատական ծրագրով,
• Համակցված ճառագայթային բուժում ռադիոմոդիֆիկացիայով /պլատինի ածանցյալներ/,
• Հետվիրահատական համակցված ճառագայթային բուժում +-ռադիոմոդիֆիկացիա։

Արգանդի մարմնի քաղցկեղ․

• Համակցված ճառագայթային բուժում արմատական ծրագրով,
• Համակցված ճառագայթային բուժում ռադիոմոդիֆիկացիայով /պլատինի ածանցյալներ/,
• Հետվիրահատական համակցված ճառագայթային բուժում +-ռադիոմոդիֆիկացիա,
• Բրախիթերապիա մոնոռեժիմով,
• Բրախիթերպաիա ամոքիչ ծրագրով,
• Ռեցիդիվների բուժում՝ անհատական մոտցում / կրկնակի ճառագայթում/,
• Ճառագայթային բարդությունների անհատական բուժում։

Ուղիղ աղու քաղցկեղ՝

Ներլուսանցքային բրախիթերապիա մնացորդային ուռուցքների կամ ռեցիդիվների դեպքում:

Բաժանմունքի հագեցվածություն․

• MicroSelectron HDR (իրիդիում 192 Genie) սարքը՝ նախատեսված գինեկոլոգիական քաղցկեղի 2D բրախիթերապիայի համար,
• BEBIG ընկերության SagiNova (Cobalt 60) սարքը՝ նախատեսված 3D ներխոռոչային և ներհյուսվածքային բրախիթերապիայի համար, ՀՇ և ՄՌՏ վիզուալիզացիայով,
• C-Arm ռենտգեն սարքը` տոպոմետրիայի իրականացման նպատակով:

MicroSelectron HDR սարքավորման դրական գործոններն են՝

• սարքավորման բարձր թողունակությունը
• հարմարավետությունը՝ ճառագայթման սեանսների տևողության կրճատման հաշվին
• ամբուլատոր բուժման հնարավորություն:

Սարքն իրականացնում է գերճշգրիտ բրախիթերապիա և հնարավորություն է տալիս մաքսիմալ թումորոցիդ դոզա ուղղել թիրախի վրա և միաժամանակ մինիմալացնել դոզան հարակից օրգանների և հյուսվածքների վրա։ Աշխատում է բարձր պրոֆեսիոնալիզմ ունեցող թիմ /ՀՇ, ՄՌՏ, ՈՒՁՀ մասնագետներ, անեսթեզիոլոգ, ճառագայթային-ուռուցքաբան բրախթերապևտներ, ճառագայթային տեխնիկներ, բժշկական ֆիզիկոսներ և այլն/: Սարքը միակն է ոչ միայն Հայաստանում, այլ նաև հարևան երկրներում: Բաժանմունքի աշխատակիցները սերտ համագործակցում են առաջատար գիտահետազոտական հաստատությունների և մի շարք եվրոպական երկրների կլինիկաների հետ, մասնակցում են սեմինարներին և միջազգային կոնֆերանսներին:

Հեռ․ +37410205050, ներքին՝ 204, 217