Համագործակցության առանցքում՝ մեր հայրենակիցների առողջությունը.

Ուռուցքաբանության ազգային կենտրոնում հյուրընկալել էինք Հայաստանում Բուլղարիայի Հանրապետության արտակարգ և լիազոր դեսպան Կալին Վասիլև Անաստասովին։ Այցի նպատակը դեսպանատան կոմից ՈւԱԿ-ին շնորհված դրամաշնորհի ամփոփումն էր։ 

Դրամաշնորհային համաֆինանսավորմամբ 2023 թվականին ՈՒԱԿ-ը ձեռք է բերել էքսպերտ դասի Vinno G65 ՈՒՁՀ սարք, որը լայնորեն կիրառվում է կրծքագեղձի քաղցկեղի սքրինինգի նպատակով:

Դեսպան Անաստասովն ու ՈւԱԿ տնօրեն Նարեկ Մանուկյանը երկուստեք կարևորել են նման համագործակցությունների շարունակականությունը՝ ի բարօրություն մեր հայրենակիցների առողջության։

Հանդիպման ընթացքում դեսպանը ընդգծել է հայ և բուլղար բժիշկների համագործակցության համար հիմքեր ստեղծելու անհրաժեշտությունը և դրան միտված գործուն քայլերի ձեռնարկումը:

ՈւԱԿ տնօրենը ևս մեկ անգամ շնորհակալություն է հայտնել դեսպանին աջակցության և հայ ժողովրդի հանդեպ ունեցած վերաբերմունքի համար։ Նա կարևորել է դեսպանի դերակատարությունը հայ-բուլղարական հարաբերությունների շարունակական խորացման գործընթացում։

Դեսպանը նաև շրջայց է կատարել ՈւԱԿ-ում, ծանոթացել կենտրոնում 2023-ին իրականացված բարեփոխումներին, նոր բացված բաժանմունքներին, մատուցվող ծառայությունների ծավալին: