Հայկական ուռուցքաբանության զարգացման հեռանկարները AOC 5-ում
Հայկական ուռուցքաբանական 5-րդ կոնգրես․ Շանթ հեռուստաընկերության անդրադարձը:
«Կարելի է ասել, որ այս պահին չկա պատճառ Հայաստանում լավագույն ուռուցքաբանական ծառայությունները չմատուցելու համար։ Մենք ծառայությունների որակը գրեթե համահավասարեցրել ենք արտերկրյա լավագույն բժշկական հաստատությունների չափանիշներին»,-ՀՀ ԱՆ Վ․Ա․ Ֆանարջյանի անվան ուռուցքաբանության ազգային կենտրոնի տնօրեն Նարեկ Մանուկյան:
«Այսօր կարող ենք արձանագրել, որ Հայաստանում առկա է ճառագայթային ախտորոշման և բուժման ողջ սպեկտորը։ Այս տարվանից մեր նպատակն է նաև ավելի մեծ թվով կանանց համար մամոգրաֆիկ ծառայությունից անվճար օգտվելու հնարավորություն ստեղծելը,․-ՀՀ Առողջապահության նախարար Անահիտ Ավանեսյան:
«Ուռուցքաբանությունը, ինչպես շատ հաճախ ասում են, անհատակ հոր է։ Այսինքն՝ ինչքան մենք ներդնենք, միևնույն է անհրաժեշտություն կա ավելի շատ ներդնելու։ Եվ այս կոնտեքստը հաշվի անելով, մենք պետք է կենտրոնանանք ոչ միայն ուռուցքաբանական հիվանդությունները բուժելու, այլ նաև կանխարգելելու վրա »,- ՀՀ ԱԺ Առողջապահության և սոցիալական հարցերի հանձնաժողովի նախագահ Արսեն Թորոսյան:
«Գուստավ Կլիմտի «Մահ և կյանք» կտավը Կոնգրեսի խորհրդանիշն է։ Մենք նկարը փոփոխությունների ենթարկելու համարձակություն ունեցանք՝ կյանքի և մահվան մեջ ստեղծելով արհեստական պատռվածք։ Այն արտացոլում է բնության այդ երկու անբաժանելի երևույթներն իրարից հնարավորինս հեռացնելու բժիշկների ջանքերն ու ցանկությունները»,- ՀՀ ԱՆ Վ․Ա․ Ֆանարջյանի անվան ուռուցքաբանության ազգային կենտրոնի փոխտնօրեն Արթուր Ավետիսյան։
