Ի պատասխան էլեկտրոնային մամուլում 06.08.2015թ. տպագրված «Մեր երկրում կատարվել է ուսահոդի եզակի էնդոպրոթեզավորում» հոդվածին

14/09/2015 1112 Views

Ի պատասխան էլեկտրոնային մամուլում  06.08.2015թ. տպագրված  «Մեր երկրում կատարվել է ուսահոդի եզակի էնդոպրոթեզավորում» հոդվածին, որը կատարվել էր թիվ 1 Համալսարանական կլինիկայում:

Հարգելի պարոնայք՝ Ա.Օհանյան, Ա.Բդոյան, Ա.Ազիզբեկյան,

             

Ուզում եմ տեղեկացնել Ձեզ, որ Հայաստանում առաջին անգամ ուսահոդի և բազկոսկրի էնդոպրոթեզավորում կատարվել է Ուռուցքաբանության ազգային կենտրոնի ոսկրային պաթոլոգիայի հանրապետական կենտրոնում՝ 2001թ.: Այդ վիրահատությունը կատարվել է բազկոսկրի օստեոգեն սարկոմա ախտորոշումով՝ 12 տարեկան երեխայի մոտ: Կատարվել է բազկոսկրի վ/3-մ/3 սեգմենտար մասնահատում, որից հետո տեղադրվել է գերմանական LINK ըընկերության էնդոպրոթեզ, որը երկարում էր երեխայի հասակի հետ: Այդ տիպի էնդոպրոթեզավորում կատարվել է մեր կենտրոնում 18 հիվանդի: Ինչ վերաբերվում է էնդոպրոթեզավորմանն ընդանրապես, կցանկանայի Ձեզ և հանրությանը հայտնել, որ ՈւԱԿ-ի ոսկրային պաթոլոգիայի կենտրոնում, 2000 թվականից սկսած, կատարվել է.

արմնկային հոդի տոտալ էնդոպրոթեզավորում` 8 հիվանդ; ազդրոսկրի տոտալ էնդոպրոթեզավորում երկու հոդերի պրոթեզավորմամբ` 3 հիվանդ; ծնկան հոդի տոտալ մեգաէնդոպրոթեզավորում` 76 հիվանդ; երկար խողովակավոր ոսկրերի դիաֆիզի էնդոպրոթեզավորում` 24 հիվանդ; կոնք-ազդրային հոդի էնդոպրոթեզավորում` մոտ 200 հիվանդ:

Ուստի համարում եմ Ձեր կողմից արված հայտարարությունը ոչ կոռեկտ: Կարծում եմ հարկ էր նշել, որ Ձեր կողմից կատարված վիրահատությունն առաջին անգամ կատարվել է Ձեր կլինիկայում, կամ Ձեր կողմից, այլ ոչ Հայաստանում:

Հարգանքով`

ՈւԱԿ ոսկրային պաթոլոգիայի հանրապետական կենտրոնի ղեկավար՝

բ.գ.թ. Ս.Գ. Սեինյան և

ՈւԱԿ տնօրեն՝

բ.գ.թ. Ա.Հ. Տանանյան