Այն հաջողությունները, որոնք արձանագրում է Ուռուցքաբանության ազգային կենտրոնը, իր աշխատակիցների հետևողական, քրտնաջան և նվիրված աշխատանքի արդյունքն են։ Կենտրոնի բնականոն աշխատանքում անուրանալի դեր ունի յուրաքանչյուրը՝ բժիշկը, հաշվապահը, բուժքույրը, բանվորը, մայրապետը, գնումների մասնագետը, օպերատորը,․․․ բոլորը։ Կենտրոնը երբեք բաց չի թողնում նրանց շնորհակալություն ասելու առիթը։

Արդեն 3 տարի շարունակ կենտրոնի միջին և կրտսեր աշխատակազմի ներկայացուցիչներին տրվում է երկրի առողջարաններից մեկում իրենց լիարժեք հանգիստը վայելելու հնարավորություն։ Այս ամենը՝ ՈՒԱԿ-ի միջոցներով և հոգածությամբ։ 

Այս տարի՝ հուլիս-օգոստոս ամիսներին, իրենց հանգիստը վայելում են կենտրոնի շուրջ 80 աշխատակիցներ։ Նրանք ունեն 7 օր շարունակ Վանաձորի մաքուր օդը շնչելու, հյուրանոցի առողջարանից օգտվելու և բուժական բազմատեսակ պրոցեդուրաներ անցնելու, ինչպես նաև տարածքի տեսարժան վայրերին ծանոթանալու հնարավորություններ։ Շհնորհակալություն աշխատակիցներին տարվա ընթացքում անձնվեր աշխատանքի համար։

Լիահույս ենք՝ առաջիկայում այդ եռանդը, և, իհարկե, կենտրոնի գրանցած արդյունքները կկրկնապատկվեն և կեռապատկվեն: