ՀՀ ԱՆ Վ․ Ա․ Ֆանարջյանի անվան Ուռուցքաբանության ազգային կենտրոնում կատարվել է կերակրափողի ստենտավորում։ Միջամտությունն իրականացվել է վերջերս ձեռքբերած նորագույն Pentax էնդոսկոպիկ համակարգով։

60 տարեկան տղամարդու մոտ ախտորոշվել է կերակրափողի չվիրահատվող նորագոյացություն, դիսֆագիա III-IV0։

Հիվանդն ունեցել է նաև ուղեկցող հիվանդություններ՝

Հեպատիտ C՝ անցումով լյարդի ցիռոզի Լյարդային էնցեֆալոպաթիա  III0 Պորտալ հիպերտենզիա Վիճակ աջակողմյան պնևմոէկտոմիայից հետո

Հիվանդի կյանքի որակը բարելավելու նպատակով որոշվել է կատարել կերակրափողի ստենտավորում։

Ստենտավորումը կատարել են Որովայնային և էնդովիրաբուժության բաժանմունքի վարիչ Արմեն Նիկողոսյանը, էնդոսկոպիստ Վլադիմիր Նահապետյանը և անէսթեզիոլոգ Մարինա Ափոյանը։

Հիվանդը երկու մահճակալային օր անց դուրս է գրվել հիվանդանոցից՝ կերակրափողի անցանելիության ամբողջական վերականգնումով։