Կրծքի ձևավորում առանց իմպլանտի և ազատ լաթի կիրառման․ ՈՒԱԿ մասնագետը վերապատրաստվել է GoldyLock տեխնիկայի կիրառման վերաբերյալ
Կրծքի ձևավորում առանց իմպլանտի և ազատ լաթի կիրառման․ ՈՒԱԿ մասնագետը վերապատրաստվել է GoldyLock տեխնիկայի կիրառման վերաբերյալ
ՈՒԱԿ Մամոլոգիական բաժանմունքի բժիշկ-ուռուցքաբան Լուսինե Ջիլավյանը հունիս ամսին վերապատրաստում է անցել Սանկտ Պետերբուրգ քաղաքում, Ն․Ն․ Պետրովի անվան ուռուցքաբանության ազգային կենտրոնում՝ «Կրծքագեղձի օնկոպլաստիկ վիրաբուժություն» թեմայով։ 
Նորարական այս մեթոդը հայտնի է նաև GoldyLock անվանմամբ և թույլ է տալիս կատարել մաստէկտոմիա՝ ապահովելով կրծքի էսթետիկ տեսքը՝ խուսափելով հետագա իմպլանտավորումից։
Իրականացվում է կրծքագեղձի ենթամաշկային հեռացում պահպանելով․
- մաշկը,
- ենթամաշկային ճարպաբջջանքը
- պտուկ արեոլային կոմպլեքսը, եթե այն ախտահարված չէ։
GoldyLock մեթոդի կիրառումը հնարավորություն է տալիս մեկ վիրահատության ընթացքում իրականացնել կրծքագեղձի հեռացում և վերականգնում։ Առավելություններից մեկն այն է, որ այն թույլ է տալիս խուսափել հետվիրահատական որոշ բարդություններից և արագ է վերականգնվում։Մեթոդն արդեն իսկ հաջողությամբ ներդրվել և կիրառվել է ՈՒԱԿ-ում։
Փորձելով մշտապես քայլել ժամանակին համընթաց և չզիջել առաջատար կենտրոններին, ՈՒԱԿ-ը կարևորում է մասնագետների բարձր պատրաստվածությունը և ոլորտի առաջատար կենտրոնների հետ գործընկերային հարաբերությունների շարունակականությունը։
