ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի բժշկական անձնակազմը պարբերաբար մասնակցում է գիտաժողովների, մասնագիտական որակավորումները բարձրացնող վերապատրաստումների: Մենք կարևորում ենք նաև ձեռք բերված գիտելիքներիփոխանցումըՀայաստանի տարբեր բժշկական կենտրոններում աշխատող մեր գործընկերներին:

Այսպիսով՝ նպատակ ունենալով ՀՀ մարզերում

բարձրացնել բուժաշխատողների իրազեկվածությունը Հայաստանի ուռուցքաբանության ոլորտում առկա և հասանելի ծառայությունների մասին, մարզային գործընկերներին ծանոթացնել Հայաստանի ուռուցքաբանության ոլորտում ձեռքբերումների և ուղենշվող զարգացումների հետ

2022թ. հուլիսից Ուռուցքաբանության ազգային կենտրոնը ՀՀ մարզերում նախաձեռնում է գիտագործնական միջոցառումների և գիտաժողովների շարք, որը կրելու է «Ուռուցքաբանական ֆորում» անվանումը:

Տեղեկացնում ենք, որ առաջին գիտագործնական միջոցառումը՝ «Երևան-Շիրակ ուռուցքաբանական ֆորումը» տեղի կունենա Գյումրիում:

Օրը՝ 2022թ․հուլիսի 3

Վայրը՝ Գյումրու տեխնոլոգիական կենտրոն (Գայի 1)

Ժամը՝ 11։00-17։00 (13:30-14:15 ընդմիջում)

«Երևան-Շիրակ ուռուցքաբանական ֆորումին» կարող են մասնակցել մոտ 150 մասնագետներ՝ ՀՀ Շիրակի մարզում մասնագիտական գործունեություն ծավալող ուռուցքաբաններ, վիրաբույժներ, ռադիոլոգներ, ԱԱՊ օղակի բժիշկներ, առողջապահության կառավարման և կազմակերպման մասնագետներ և այլ՝ հարակից մասնագիտացումներով բժիշկներ։

 Հ.Գ. Գիտագործնական միջոցառման ծրագիրը նախատեսում է ՇՄԶ (շարունակական մասնագիտական զարգացման) կրեդիտավորում՝ համապատասխան հավաստագրմամբ։