Միջին բուժաշխատողների ուռուցքաբանական 2-րդ համաժողով. FreeNews
«Բուժման ընթացքում միջին բուժաշխատողների դերը գրեթե չի զիջում բժիշկների մեծ աշխատանքին»,- «Միջին բուժաշխատողների ուռուցքաբանական 2-րդ համաժողով»-ի ողջույնի խոսքում նշեց Վ․Ա․ֆանարջյանի անվան ուռուցքաբանության ազգային կենտրոնի տնօրեն Նարեկ Մանուկյանը։
Հոկտեմբերի 5-ին ՀՀ տարբեր բժշկական կենտրոններից հարյուրավոր բուժքույրեր փորձի փոխանակման, մասնագիտական որակները բարելավելու և շարունակական կրթություն ստանալու պատրաստակամությամբ էին եկել ՈՒԱԿ-ի այս համաժողովին մասնակցելու։
Մասնագիտությամբ բուժքույր ՀՀ Ազգային ժողովի պատգամավոր Հռիփսիմե Հունանյանն օրվա հատուկ հյուրն էր, և առանձնակի շեշտեց, որ բուժքույրական անձնակազմի համար մստեղծվում են ասնագիտական առաջընթացն ապահովելու նոր ու լայն հնարավորություններ, որոնք էլ միջազգային հարթակներում ներկայանալու նախադեպեր կստեղծեն։
ՈՒԱԿ տնօրենի տեղակալ Արթուր Ավետիսյանը մարդկային առանձնահատուկ տեսակներով ու գթասրտությամբ օժտված բուժքույրերին առանձնացրեց՝ փաստելով, որ բուժքրոջ մասնագիտությունն ամենադժվարներից է։
Կենտրոնի գլխավոր բուժքույր Մելանյա Վաթինյանն էլ արձանագրեց՝ բուժքույրերը նոր գիտելիք ստանալու համար ժամանակ և ջանք չեն խնայում։
